JOSHUA 13:2 - Kathara Bible (BSI)

² Khuifaki kaji ngaleibing chiya; Philistinewui ngalei saikora, kala Gershurwui ngalei saikora,

JOSHUA 13:2 Iomraidhean Croise

HAOKAPHOK 10:14

Pathrusim, Casluhim (awui eina Philistinenaobing shoka), kala Caphtorimwui avāva̱na.

HAOKAPHOK 26:1

Abrahamwui thotli shokhairakasā chi maningla, apam chili chāmrei akha rāluishita. Kala Isaacna Philistinewui awunga Abimelechli samphang khavai Gerarli vai.

2 SAMUEL 15:8

Kaja, Geshurwui Aramli leilakha narao ina, Prohona ili Jerusalemli khuiungmiluishitakha, ina Proholi rākhorumra” da ngashithaida lei.

2 SAMUEL 3:3

kala kakhane, Chile-ab, Carmenli khalei Nabalwui ra̱meiva̱ Abigailna pharai; kala kakathuma Absalom, Geshur awunga Talmaiwui naongalāva̱ Maacahna pharai;

JOEL 3:4

“O Tyre, Sidon kala Philistinewui ramrei saikorali khaleibing! Khikhakhawui vang nathumna ili athut kakhuila? Nathumna chithāra jiakha ina ngalāngda thaklāk eina athut khuida nathumwuitungli tāra.

ZEPHANIAH 2:5

Yireipheili kapama, Chereth yur nathum kakhanang ngasāranu! Prohowui tui china nathumli mamayāmana, O Canaan, Philistinenaowui ngalei; nathum akhala mashāklakla shimān ngasakra.

KHALATLUI 3:14

Manasseh shangwui Jairna Argobwui wungram saikora, chiya Bashan, Geshur kala Ma-acathwui thari vāshungda khui, kala kha̱ chili khalattawui ming phokta aja rāshungda Havvoth-jair hoi).

JOSHUA 12:5

kala ana Harmon Kaphung eina Salecah kala Bashan saikora Geshurbing kala Ma-acathwui thari tāshunga, kala Gilead tangkhai eina thuilaga Heshbonwui awunga Sihonwui thari eina tangda hibingwuitungli mungsai.

JOSHUA 13:11

kala Gilead, kala Geshurnaobing eina Ma-acathnaobingwui ngalei, kala Harmon Kaphung saikora, kala Bashan eina Salecah vākashung saikora;

JOSHUA 13:13

Kha Geshurbing, lah Ma-acathnaobingli Israel mibingna makashamshokla athumna aja eina tangda Israelnaobingli ngasopamdalei.

WUNGVA̱-WUNGVĀ 3:1

Chitharan Israelli khaleibing, Canaanli rai kasāwui raisak makathei Israelnaobingli chāng yangkhavai Prohona taikahai yurbing chi hina;

1 SAMUEL 27:8

Chitharan Davidna thānda awui mibingna, Egypt ngaleili kharewui eina leikasā apam, Geshurbing, Girzibing kala Amalekbingli rai atai. Egypt ngaleiwui Shur tāshungda achālakha pamkasābingna.