JOSHUA 12:5 - Kathara Bible (BSI)

⁵ kala ana Harmon Kaphung eina Salecah kala Bashan saikora Geshurbing kala Ma-acathwui thari tāshunga, kala Gilead tangkhai eina thuilaga Heshbonwui awunga Sihonwui thari eina tangda hibingwuitungli mungsai.

JOSHUA 12:5 Iomraidhean Croise

2 SAMUEL 13:37

Kha Absalomna yāmhaida Geshurwui awunga, Ammihudwui naomayara Talmaiwuili vāhaowa. Kala Davidna anaomayarawui vang thangkachida sifaya.

2 SAMUEL 15:8

Kaja, Geshurwui Aramli leilakha narao ina, Prohona ili Jerusalemli khuiungmiluishitakha, ina Proholi rākhorumra” da ngashithaida lei.

2 SAMUEL 23:34

Maacahpa Ahashaiwui naomayara Eliphelet, Gilopa Ahithophelwui naomayara Eliam;

2 SAMUEL 3:3

kala kakhane, Chile-ab, Carmenli khalei Nabalwui ra̱meiva̱ Abigailna pharai; kala kakathuma Absalom, Geshur awunga Talmaiwui naongalāva̱ Maacahna pharai;

2 WUNGNAOBING 25:23

Babylon awungana Gedaliahli lammunga sanghaira kaji mibingna kashā tharan, ram chili khalei raimi kathānabing kala khangatateibingla Gedaliahli samphang khavai Mizpahli vāsera; amingbing chiya; Nethaniahwui nao Ishmael, Kareahwui nao Johanan, Netophathli khalei Tanhumethwui nao Seraiah, kala Maacathpa Ja-azaniahna.

1 THOTRINCHĀN 5:11

Gadwui naomayarabingna athumwui lākhavāk Bashan ngaleili Salecah tāshungda pama:

JEREMIAH 40:8

athumna Mizpahli Gedaliahwui pamli asamphanga—Nethaniahwui naomayara Ishmael, Kareahwui naomayara Johanan, Tanhumethwui naomayara Seraiah, Netophahwui Ephaiwui naomayarabing, Ma-acahwui naomayara Jezaniah, athum kala athumwui mibingli ngasoda,

KHALATLUI 3:14

Manasseh shangwui Jairna Argobwui wungram saikora, chiya Bashan, Geshur kala Ma-acathwui thari vāshungda khui, kala kha̱ chili khalattawui ming phokta aja rāshungda Havvoth-jair hoi).

JOSHUA 11:3

zingsho zingtunwui Canaannaobing, kala Amornaobing, Hitnaobing, Periznaobing, phungreili kapam Jebusnaobing kala Mizpah ngaleiwui Harmon azingli khalei Hivnaobing saikorali rai asuiya.

JOSHUA 12:1

Chitharan Israelwui mibingna Jordan makānda zimikshoshong Arnon tampāk eina thuilaga Harmon Kaphung vāshungda, kala zingshovāk khalei Arabahwui ngalei saikora yuikahai ngaleiwui awungabing, kala athumna khui kahai ngaleibing chi hina:

JOSHUA 13:11

kala Gilead, kala Geshurnaobing eina Ma-acathnaobingwui ngalei, kala Harmon Kaphung saikora, kala Bashan eina Salecah vākashung saikora;

1 SAMUEL 27:8

Chitharan Davidna thānda awui mibingna, Egypt ngaleili kharewui eina leikasā apam, Geshurbing, Girzibing kala Amalekbingli rai atai. Egypt ngaleiwui Shur tāshungda achālakha pamkasābingna.