JOSHUA 12:1 - Kathara Bible (BSI)

¹ Chitharan Israelwui mibingna Jordan makānda zimikshoshong Arnon tampāk eina thuilaga Harmon Kaphung vāshungda, kala zingshovāk khalei Arabahwui ngalei saikora yuikahai ngaleiwui awungabing, kala athumna khui kahai ngaleibing chi hina:

JOSHUA 12:1 Iomraidhean Croise

1 WUNGNAOBING 4:19

Gilead ngaleili, chiya Amonnaowui awunga Sihonwui ram, kala Bashanwui awunga Ogwui ram, Uriwui nao Geber. Kala Judah ngaleili otva̱ akha lei.

LAA 133:3

Hiya Hermonwui iknguira̱, Zionwui phungreili katā kathana! Kaja chili Prohona mashimānda ringkhavai sokhami mihaira.

LAA 136:21

kala athumwui ngalei shimlui sāda kākhangasaka, kaja awui makhangachei leikashi katang mavaimana;

LAA 89:12

Atungshongla, azingshongla, nana sākhuisera, Tabor eina Harmonna mathānlak eina namingli sochikatli.

ISAIAH 16:2

Athip sākathānmi kahai yongkazat vānao thāda, Moabwui naongalava̱ ngarā Arnonwui kongpheili ngapha̱ra.

MISHĀN 21:13

Chiwui eina zatphoklaga Amornaobingwui thari vāshungda khalei, Arnonwui lākhavāk lamhāng chili rāmrah vasāpama. Kaja Arnon hi Moab eina Amornaobingwui ngachaili khalei tharina.

MISHĀN 21:21

Chiwui thili Israelna Amorwui awunga Sihonli paomebing chihovāda hānga,

MISHĀN 21:24

Kala Israelna ali raighai eina sāthathaowa, kala awui ngalei Arnon eina thuilaga Jabbok kala Ammon ngalei vāshungda khuihaowa; kaja Jazerna Ammonnaowui tharina.

MISHĀN 32:19

Khikhalajila Jordanwui lākhavāk kala kānkālaga athumli ngasoda ithum mapammara; kaja ithumwui shimlui Jordan makānkāla hivāk zingshoshong leikahaina.”

MISHĀN 32:32

Ithumna Prohowui mangāli raisāri shaksāda kānlaga Canaanwui ngaleili zangra, kha ithumwui shimlui Jordan hivāk leira.”

MISHĀN 32:33

Chieina Mosesna Gadwui naomayarabing eina Reubenwui naomayarabing kala Josephwui nao Manassehwui shang tangkhaili Amorwui awunga, Sihonwui wungram kala Bashanwui awunga, Ogwui wungram, keinungbing kala leiretbing eina ngasoda mihaowa.

KHALATLUI 2:24

‘Ngakarthuida zatphoklu, kala Arnon tampākshong vālu; yanglu, Heshbonwui awunga Amorpa Sihon kala awui ngalei nathumwui pāngli ina horsangmi kahaina; awui ram khuiphokuda rai saulu.

KHALATLUI 2:32

Chieina Sihonna awui mi saikorali ngasoda ithumli ngarar khavai Jahazli rai.

KHALATLUI 3:1

“Chiwui thili ithumna ngareikhuida Bashanvāk vai, kala awunga Ogna awui mi saikora thānlaga ngarar khavai Edre-ili rāngaroka.

KHALATLUI 4:44

Israel naoshinaobingwui mangāli Mosesna ain khami chi hina,

KHALATLUI 4:46

Beth-peorli kāroda khalei Jordan tampāk kankāda Amorwui awunga Sihonwui ngaleili leilakha kahāngna, Sihon hiya Heshbonli pamkasā Mosesna thānda Israelnaobingna Egyptwui eina kashok tharan maikashi mikahaipā china.

KHALATLUI 4:48

chiya Arnonwui tampākpheili khalei Aroer eina thuilaga Sirion (chiya Harmon) vāshunga;

JOSHUA 1:15

Prohona nathumli kala nachināngarāli mangasām ngasakranglakha eina tangda kala Prohona athumli mikahai ngalei chi athumna khuikahaiwui thili; nathumwui ngasā kahai ngaleili Jordan kankāda zingshoshong Prohowui rao Mosesna nathumli mikahai ngalei chili hanungda pānra.”

JOSHUA 11:17

Halak Kaphungwui eina thuilaga Seirshong shangda, Harmon Kaphung azingli khalei Lebanonwui tampāk Baal-gad kaho apam chieina tangda vāshunga. Kala ana chiwui awunga saikorali yuihaida sāthatserhaowa.

JOSHUA 11:3

zingsho zingtunwui Canaannaobing, kala Amornaobing, Hitnaobing, Periznaobing, phungreili kapam Jebusnaobing kala Mizpah ngaleiwui Harmon azingli khalei Hivnaobing saikorali rai asuiya.

JOSHUA 13:8

Prohowui rao Mosesna mikahai athishurda Manasseh shang tangkhai, Jordan kānda zingshoshong Reubenbing kala Gadbingna samkaphang shimlui chi hina:

JOSHUA 22:4

Ara Proho nathumwui Varena nathumwui achinā ngarāli ana ngashit kahai athishurda ngasāmkhui ngasakhaira; chiwui vang eina ara ngareikhuida Prohowui rao Mosesna nathumli Jordan kong lākhavāk mikahai ngalei nathumwui shim chili ungulu.

WUNGVA̱-WUNGVĀ 11:18

Chiwui thili athumna lamhāngshong eina Edom ngalei kuikhui, Moab ngaleila kuikhuida Moabwui zingshoshong ashoka; kala Arnonwui lākhavāk rāmrah sāda vāpama; kha athumna Moab ngaleili mazatvāmana, kaja Arnonna Moab ngaleiwui tharina.