JOSHUA 11:20 - Kathara Bible (BSI)

²⁰ Kaja athumwui wuklung marar khangasak hi Prohowui otsakna, kaja athumna Israelli rai kasā chitharan, Prohona Mosesli kakaso athishurda, athumli lukhamashan maleila kala akhala mataila mutmi ngasakra kaji hi Prohowui khangarāna.

JOSHUA 11:20 Iomraidhean Croise

2 SAMUEL 17:14

Chieina Absalom kala Israelwui mi saikorana, “Ahithophelwui tuili Architwui Hushaiwui hāngkachithei china phāmeira” jiserhaowa. Kaja Ahithophelwui khamathā hāngkachithei chili yuikhavai Prohona tharchisinmihaida Absalomwuitungli Prohona makaphā khuirā khavaina.

1 WUNGNAOBING 12:15

Chithāda awungana mibingli manganāsangmithuwa; kaja Prohowui tui chi Nebatwui nao Jeroboamli Shilohnao Ahijahli hāngmi khangasak chi ungshung khavai hi rashok khangasakna.

2 THOTRINCHĀN 22:7

Kha Ahaziahna Joramli akhangahān eina awui konglui khavai ngasāra kaji hi Varena ngarān kahaina. Kaja, ana chili khavā tharan ana Joramli ngasoda, Prohona Ahabwui shimkhurli shimān ngasak khavai thao neomi kahaiya Nimshiwui nao Jehuli asamphanga.

2 THOTRINCHĀN 25:16

Kha ana hāngmahunglakha awungana hānga, “Awungawui machinme sākhavai nali ithumna phāsangla? Thahaolu! Nali khiwui vang sāthat sarakhala?” Chieina marān china thāhaowa, kha hithāda hānga, “Nana hikathā ot kasāwui vang kala iwui hāngkachithei makakhuiwui vang Varena nali shimān khavai sāhaira kaji ina thei.”

SHONGZĀ 10:1

Chiwui thili Prohona Mosesli hānga, “Pharaohli vālu, kaja ina iwui khudambing hi athumli chithei khavai awui wuklung, kala awui otshinabingwui wuklung marartit ngasakhaira.

SHONGZĀ 11:10

Moses eina Aaronna Pharaohwui mangāli matakhak kahai ot saikora hi sai, kala Prohona Pharaohwui wuklung mararmihaida Israelnaobingli awui ngaleiwui eina mathuingasakthuwa.

SHONGZĀ 14:17

Kala ina Egyptnaobingwui wuklung mararmihaida athumna shurzangra, chitharan Pharaoh kala awui raimi katonga, awui siguigari, kala sigui katongbing saikorawuitungli iwui tekhamatei chitheira.

SHONGZĀ 14:4

Kala ina Pharaohwui wuklung mararmihaida, athumli kharomvāluira, kala Pharaohli kala awui mibingli iwui tekhamatei theingasakra, kala Egyptnaobingna I Prohona kaji theikhuira.” Kala athumna chithāda sai.

SHONGZĀ 14:8

Kala Varena Egyptwui awunga Pharaohwui wuklung mararmihaida Israelnaobingna pinglak eina zatkahai chiwui thi kharomvai.

SHONGZĀ 4:21

Kala Prohona Mosesli hānga, “Na Egyptli ungkashung tharan ina nali mikahai mina masākharar pangshap chi Pharaohwui mangāli sacheitheilu; kha chithālala ina awui ning makang ngasakra, kala ana mibingli machihomara.

SHONGZĀ 9:12

Kha Prohona Pharaohwui wuklung mararngasakhaowa, kala Prohona Mosesli hāngkahai thāda, aniwui tui makhuithuwa.

SHONGZĀ 9:16

kha hiwui vang ina nathumli ringkhangasakna, iwui pangshap nathumli chitheida, okathui katongali iwui ming ngayaovāra.

ISAIAH 14:24

Saikorawui Prohona ngashithaira: “Ina khangarān sākahai chithāda shokra, kala ina rinkahai chithāda leipapamra.

ISAIAH 34:2

Kaja miyur saikorali Prohona malungvāthaira; kala katongali malungthuihaida shimān khavai sāhaira, shaothat khavai ngarānhaira.

ROMNAO 9:18

Hithada sāda Varena lumashankhangai chili lumashana kala wuklung makang ngasakkhangai chili makang ngasaka.

KHALATLUI 2:30

Kha Heshbonwui awunga Sihonna ithumli awui lam makān ngasakthuwa, kaja Proho nathumwui Varena aja khami thada nathumwui pāngli horsangmi khavai awui wuklung mararmihaowa.

KHALATLUI 7:16

Kala Proho nathumwui Varena nathumwui pāngli horsangkhami yur saikora sāthatserphalungra; athumli yanglaga malumashanpaimara; athumwui varebinglila otram mangatha̱paimara, kaja china nathumwui khalen ngasāra.

WUNGVA̱-WUNGVĀ 14:4

Hi Prohowui khangarāna kaji avā eina ava̱va̱na matheisāmana; kaja Philistinenaobingli ngasung khavai ana atam kachā khayangna. Chitharan Philistinena Israelwuitungli mungsai.

1 SAMUEL 2:25

Kalikhada mi akhana katei akhali morei saakha awui vang Prohona ngachammira; kha kalikha mi akhana Proholi morei saakha khipāna ngachammirakhala?” da hānga. Kha athumna avāva̱wui khon manganāmana; kaja athumli sāthathaora kaji hi Prohowui kaphaning ngasāhaowa.