JOSHUA 11:12 - Kathara Bible (BSI)

¹² Awungabing chiwui keinungbing, kala athumwui awungabing, Joshuana khuida, Prohowui rao Mosesna kakaso athishurda athum akhala mataila sāthatserhaowa.

JOSHUA 11:12 Iomraidhean Croise

KHALATLUI 7:2

Proho nathumwui Varena athumli nathumwui pāngli horsangmida, athumli yuikahai tharan athumli shaothatserphalungra; nathumna athumli tuingashit sākhavaila maleimana kala athumli lumashan khavai apongla maleimana.

KHALATLUI 9:3

Chiwui vang eina aja hi theilu, kaja nathumwui mangāli meichot eina zatta khalei chi Proho nathumwui Varena; ana nathumwui miktāli athumli sāshimānra kala yuikhuira; kala Prohona ngashit kahai thāda nathumna athumli kashamshokhaida thaklāk eina shimān ngasakra.

JOSHUA 10:20

Joshua eina Israelwui mibingna sorkhangasai sathatta mutmi kahai tharan kala shākkahaibing china athumwui raipan ngaveitit kahai keinungli ungzang kahai tharan,

JOSHUA 10:28

Kala Joshuana Makkedah khuithang ngalei chiwui awunga kala mi saikora raighai eina sāthatserhaida khipākha machakshoklakmana. Jerichowui awungali kasā thāda Makkedahwui awungalila chithāda yuikhui.

JOSHUA 10:30

kala ngalei chila awungala Prohona Israelwui pāngli horsangmiserhaida mi saikora raighai eina sāthatserhaowa; ana chili khipākha mataimimana; kala ana Jerichowui awungali kasā thāda chiwui awungalila chithāda yuikhui.

JOSHUA 10:32

kala Prohona Lachish ngalei chi Israelwui pāngli horsangmi, kala ana kakhanethang ngalei chi khuida mi saikora raighai eina Libnahli kasā thāda sāthatserhaowa.

JOSHUA 10:35

kala athumna chithang ngalei chi yuikhui, kala mi kachiva̱li raighai eina sāthatserhaida ana Lachishli kasā thāda sāthatserhaowa.

JOSHUA 10:37

kala ngalei chi khuihaowa, kala chiwui awunga kala chiwui keinungbing, kala mi kachiva̱ Eglonli kasā thāda raighai eina sāthatserhaida mi akhala mataimana.

JOSHUA 11:13

Kha Joshuana mei sa̱tā kahai Hazor maningla kaphungbingli khanganing keinungbing chi Israelna masa̱tāmimana.

JOSHUA 11:15

Prohona awui rao Mosesli kakaso thada, Mosesnala Joshuali chithada kasoi; Prohona Mosesli kaso kahai saikora Joshuana makasā maleimana.

JOSHUA 13:6

phungreiramli kapamabing saikora Lebanon eina thuilaga Misrephoth-maim vāshungda, kala Sidonbing saikora zanga. Ina athumli Israelnaobingwui mangāli kashamshokra; ina nali kakaso athishurda ngalei chi Israelwui shimlui sāda nana yarmimalu.

JOSHUA 21:44

Kala Prohona athumwui avāva̱ ngarāli ngashit kahai athishurda athumli apam kachiva̱li ngasāmkhui ngasaka; yangkashe saikorawui eina akhanala athumli manganingkhamluimana; kaja yangkashebing saikora Prohona athumwui pāngli horsangmi.

JOSHUA 8:31

Prohowui rao Mosesna Israelwui mibingli kaso kahai, ain lairikli kapi kahai thāda “Masākakhaiya kala mari eina makashāna ngalungwui hanphut” na kala chiwuitungli athumna Proholi rikkatā kachigat kala ningyatchigat sai.

JOSHUA 8:8

Kala nathumna keinung chi khui kahai tharan, nathumna keinung chi mei eina thottāhaolu, Prohona hāng kahai thāda sāra; ina nathumli hi kakasona da theilu.”

JOSHUA 9:24

Athumna Joshuali ngahānkai, “Khikhalajila nawui Proho Varena awui rao Mosesli kasoda ngalei katonga hi mira kala ngalei hili kapama mi saikora nathumwui mangāli sāthathaora kaji naraobingli kahāngwui vang ithumna ithumwui mirinwui vang ngacheenahaida hithāda kasāna.