JOSHUA 10:40 - Kathara Bible (BSI)

⁴⁰ Chieina Joshuana ngalei katonga, phungreiram, Negeb kala angako eina phungreiphei kala awungabingli yuiserhaowa; ana akhala mataimimana; kha manglā kazanga saikora Proho Israelwui Varena kakaso athishurda sāthatserhaowa.

JOSHUA 10:40 Iomraidhean Croise

1 WUNGNAOBING 15:29

Ana awunga sakhaleoda Jeroboamshi shimkhur saikora sāthatserhaowa; Prohowui rao Shilohwui Ahijahna Prohowui tui hāngmi kahai athishurda, Jeroboamwui shimkhurli akhanida mashākla sāthatserhaowa;

NEHEMIAH 9:24

Chieina ara̱-azāna apam chili vāda akhui kala athumwui mangāli leikasā Canaannaobingli nana yuingasaka, kala athum sākhangai chi sākhavai athumwui pāngli awungabingla, mibingla horsangmi.

LAA 9:17

Makaphābing, Vareli malai kahai yur saikora Kazeiramli vara.

SHONGZĀ 34:12

Nathum khalatta ningngasharlu, chi maningakha nathumna khavāvā pamli ngalei chili kapamabingli tuingashit akha sāda nathumwui alungli chi khalen kathā ngasāra.

MISHĀN 13:17

Canaan ngalei ara̱yangkhui khavai Mosesna athumli chihoda hānga, “Negeb kānshanglu kala phungrei ram chili kālu,

KHALATLUI 1:7

ngareikhuida Amorbingwui phungreiram chili, kala Arabahli athumwui luinganai saikora phungreiramli, kala tampākli, kala Negebli, shamadrupheili, Canaannaobingwui ngaleili, kala Lebanon kongrei, Euphrates kong vāshungda nathumwui shongzā zatvālu.

KHALATLUI 2:34

Chitharan ithumna awui keinungbing saikora yuikhuida peichaoda sākhayāngmiserhaowa; sha̱nao, mayarnao, naoshinao akha nida mataimilakmana;

KHALATLUI 7:24

Kala ana athumwui awungabingla nathumwui pāngli horsangmida okathuli athumwui ming shimānchao ngasakra; kala nathumna athumli mashimitchaoranglakha eina tangda khipākha nathumli mangasungrarmara.

JOSHUA 10:35

kala athumna chithang ngalei chi yuikhui, kala mi kachiva̱li raighai eina sāthatserhaida ana Lachishli kasā thāda sāthatserhaowa.

JOSHUA 10:37

kala ngalei chi khuihaowa, kala chiwui awunga kala chiwui keinungbing, kala mi kachiva̱ Eglonli kasā thāda raighai eina sāthatserhaida mi akhala mataimana.

JOSHUA 10:39

kala ana chiwui awungabing kala chiwui keinungbing khuiserhaida chiwui mi saikora sāthatserhaowa; kala mi akhala mataishokmana; ana Hebron eina Libnah kala awungali kasā thāda Debir eina chiwui awungalila sai.

JOSHUA 11:16

Chieina Joshuana ngalei saikora, kaphungram kala Negeb saikora kala Goshen ngalei saikora, kala angako ngalei, kala Arabah kala Israelwui kaphungram kala chiwui khangakoko ngalei saikora khuiserhaowa

JOSHUA 12:8

kaphungram, angakoram, Arabah alungli khalei, kaphungpheili khalei, lamhāngli khalei kala Negeb alungli khalei, Hitnaobing, Amornaobing, Canaannaobing, Periznaobing, Hivnaobing kala Jebusnaobingwui ngaleibing hina):

JOSHUA 18:21

Chitharan Benjamin shangli shimkhurwui athishurda yarkahai keinungbing chiya Jericho, Beth-arabah, Emek-keziz,

JOSHUA 6:17

Keinung kala chiwui alungli ot khalei saikora sakazam khavaiwui vang Prohowui mingli chigathaora; khayorva̱ Rahab eina awui shimli leikasā mibingmang khākmara, kaja ithumna kachiho mi khanili ana thumiya.

JOSHUA 8:2

kala nathumna Jericholi kala chiwui awungali kasā thāda nana Ai kala chiwui awungalila sāmira; athumwui lan eina sha̱keimang nathumna ngapaikhuira; keinung chiwui zingtunshong ngathirai sālu.”

JOSHUA 8:27

Prohona Joshuali kaso kahai athishurda Israelna sha̱kei eina horkathān kahai thongthāng chimāng ngaponkhui.

JOSHUA 9:24

Athumna Joshuali ngahānkai, “Khikhalajila nawui Proho Varena awui rao Mosesli kasoda ngalei katonga hi mira kala ngalei hili kapama mi saikora nathumwui mangāli sāthathaora kaji naraobingli kahāngwui vang ithumna ithumwui mirinwui vang ngacheenahaida hithāda kasāna.