JOSHUA 10:37 - Kathara Bible (BSI)

³⁷ kala ngalei chi khuihaowa, kala chiwui awunga kala chiwui keinungbing, kala mi kachiva̱ Eglonli kasā thāda raighai eina sāthatserhaida mi akhala mataimana.

JOSHUA 10:37 Iomraidhean Croise

SHONGZĀ 17:13

kala Joshuana Amaleknaoli kala awui mibingli raighai eina ngararda yuikhui.

JOSHUA 10:28

Kala Joshuana Makkedah khuithang ngalei chiwui awunga kala mi saikora raighai eina sāthatserhaida khipākha machakshoklakmana. Jerichowui awungali kasā thāda Makkedahwui awungalila chithāda yuikhui.

JOSHUA 10:35

kala athumna chithang ngalei chi yuikhui, kala mi kachiva̱li raighai eina sāthatserhaida ana Lachishli kasā thāda sāthatserhaowa.

JOSHUA 10:36

Chiwui thili Joshuana Israelnao saikorali ngasoda Eglonwui eina Hebronli vai; kala athumna chili vāngarara,

JOSHUA 10:38

Chiwui thili Joshua eina Israel saikorana, Debirli hanungda chili ungngarara,

JOSHUA 10:39

kala ana chiwui awungabing kala chiwui keinungbing khuiserhaida chiwui mi saikora sāthatserhaowa; kala mi akhala mataishokmana; ana Hebron eina Libnah kala awungali kasā thāda Debir eina chiwui awungalila sai.

JOSHUA 10:40

Chieina Joshuana ngalei katonga, phungreiram, Negeb kala angako eina phungreiphei kala awungabingli yuiserhaowa; ana akhala mataimimana; kha manglā kazanga saikora Proho Israelwui Varena kakaso athishurda sāthatserhaowa.

JOSHUA 11:12

Awungabing chiwui keinungbing, kala athumwui awungabing, Joshuana khuida, Prohowui rao Mosesna kakaso athishurda athum akhala mataila sāthatserhaowa.