JOSHUA 10:30 - Kathara Bible (BSI)

³⁰ kala ngalei chila awungala Prohona Israelwui pāngli horsangmiserhaida mi saikora raighai eina sāthatserhaowa; ana chili khipākha mataimimana; kala ana Jerichowui awungali kasā thāda chiwui awungalila chithāda yuikhui.

JOSHUA 10:30 Iomraidhean Croise

2 WUNGNAOBING 10:11

Jezreelli Ahabwui shimkhur awui khangam-khareibing, awui ngasotnaobing, pāngmonbing, akha eina tangda mataila saikora sāthatserhaowa.

MISHĀN 32:22

kala ngalei chi Prohowui mangāli yuikhuihaiakha; Proholi kala Israelli sāmikhangayi kuphaida nathumwui ngaleili hanungpaira; kala ngalei hi Prohowui mangāli nathumwui ngasāhaora.

KHALATLUI 2:33

Kala Proho ithumwui Varena ithumwui pāngli horsangmida, ala, anaomayarabingla, kala awui mi saikorali ithumna yuihaowa.

KHALATLUI 7:2

Proho nathumwui Varena athumli nathumwui pāngli horsangmida, athumli yuikahai tharan athumli shaothatserphalungra; nathumna athumli tuingashit sākhavaila maleimana kala athumli lumashan khavai apongla maleimana.

JOSHUA 10:28

Kala Joshuana Makkedah khuithang ngalei chiwui awunga kala mi saikora raighai eina sāthatserhaida khipākha machakshoklakmana. Jerichowui awungali kasā thāda Makkedahwui awungalila chithāda yuikhui.

JOSHUA 10:29

Chiwui thili Joshuali Israel saikorana ngasoda Libnahli vai, kala Libnahli vāngarara;

JOSHUA 10:31

Kala Joshuali Israel saikora ngasoda Libnahwui eina zatphokta Lachishli vai; kala athumna ngalei chi akuinamda ngarara:

JOSHUA 11:12

Awungabing chiwui keinungbing, kala athumwui awungabing, Joshuana khuida, Prohowui rao Mosesna kakaso athishurda athum akhala mataila sāthatserhaowa.

JOSHUA 12:15

Libnahwui awunga, akha; Adullamwui awunga, akha;

JOSHUA 8:24

Israelna Aiwui mibing chili lamhāngli kharomvāda athum saikora chili akha eina tangda mashākla raighai eina yaitupthat kahaiwui thili, Israel saikora Aili latvai kala chili leikasā saikora raighai eina sāthatserhaowa.

JOSHUA 8:29

Joshuana Aiwui awungali thingtungli thāngda ngazin eina tangda kāngyuihai, kala zimik katun eina athumna awui angun chi khuitāda keinung ngaveili phum khavai Joshuana kasoi, kala lungkhor kahaka khorda, lungkhor chi aja eina tangda lei.

JOSHUA 9:3

Kha Gibeonli kapambingna, Joshuana Jericho eina Aili kathāda yuihaokhala kaji shālaga,