JOSHUA 10:27 - Kathara Bible (BSI)

²⁷ Kha zimik katun tharan, Joshuana kasoda athumna thingtungwui eina khuitālaga athumna ngathum khavai lungkhur chili horsanghaowa, kala lungkhur chi athumna ngalung khorphinhaowa, chi aja eina tangda lei.

JOSHUA 10:27 Iomraidhean Croise

2 SAMUEL 18:17

kala athumna Absalomli khuilaga ngahongwui akhur kahakva akhali horsanghaowa, laga lungkhor juilak eina khorphinhaowa; kala Israelnaobing kachichāwui shimli hanunghaowa.

JOSHUA 4:9

Kala pāngmonbingna tuingashit oko chi ngava̱laga khanganing Jordan alungthung chili Joshuana ngalung tharāda khani shoma; kala chi aja eina tangda lei.

JOSHUA 7:26

Kala athumna awuitungli ngalung khorda wonrā sākahai chi aja eina tangda lei; hithāda Prohowui malungkhavāt suitāhaowa. Chieina apam chili aja eina tangda Achor Tampāk da hoi.

JOSHUA 8:29

Joshuana Aiwui awungali thingtungli thāngda ngazin eina tangda kāngyuihai, kala zimik katun eina athumna awui angun chi khuitāda keinung ngaveili phum khavai Joshuana kasoi, kala lungkhor kahaka khorda, lungkhor chi aja eina tangda lei.