JOSHUA 10:20 - Kathara Bible (BSI)

²⁰ Joshua eina Israelwui mibingna sorkhangasai sathatta mutmi kahai tharan kala shākkahaibing china athumwui raipan ngaveitit kahai keinungli ungzang kahai tharan,

JOSHUA 10:20 Iomraidhean Croise

2 SAMUEL 20:6

Davidna Abishaili hānga, “Bichriwui nao Shebana Absalomli zakshimeida sāra; ana keinungbingli raipan sākhuilaga ithumli hapkhanopaishina, nawui raimi thānlaga ali kharomkhuilu.”

1 WUNGNAOBING 20:21

Israelwui awungana thānda siguila siguigarila kachungkha tukkhuida, Syrianao kachungkha shaothata.

2 THOTRINCHĀN 13:17

Abijahna thānda ashina kachungkha shaothata; chithāda sāda chithang Israelwui kapangkakhui raimi lakh phangā thisanghaowa.

JEREMIAH 4:5

Judahli hānglu, kala Jerusalemli vaomalānlu, “Ngalei saikora vāshungda talla̱ khonglu, panglāk eina vaoda hānglu, ‘Kazipkhuilu, ithum khangazipa keinungbing chili ungusa!’

JEREMIAH 8:14

Khiwui vang ithum kasaikha pamhaokhala? Kazipkhuilu, ngaveikharik kahai keinungbing chili zangsa kala chili thisangsa; kaja ithumwui Proho Varena chili thikhavai retsangmihaira, kala ithumli mang khavai hu sangkahai tara̱ mi, khikhalajila ithumna Proholi morei sāhaowa.

KHALATLUI 20:16

Kha nathumwui shimlui sāda Proho nathumwui Varena khami, miyurbingwui keinung saikora chili khalei mila, sha̱keila akha eina tangda maring ngasakpaimara,

JOSHUA 10:10

Kala Prohona kashuirak eina athumli khangachee sāmida Israelwui mangāli horsangmi kala athumna chili mi kachungkha sathathailaga Gibeonwui eina kharomphokta Beth-horonwui shongshan kala Azekah eina Makkedah vāshungda sāthatvai.

JOSHUA 10:19

Kha nathum chili mapamla yangkashebingli kharomthulu; kala athumli angaphankhuida athumwui keinungli mazang ngasakalu, kaja Proho nathumwui Varena nathumwui pāngli horsangmi kahaina.”

JOSHUA 10:21

mi saikora Makkedah apamli Joshuawui rāmrahli kapong eina latunga; khipānakha Israel mibingwuitungli tui akhala mamatuimana.

JOSHUA 11:12

Awungabing chiwui keinungbing, kala athumwui awungabing, Joshuana khuida, Prohowui rao Mosesna kakaso athishurda athum akhala mataila sāthatserhaowa.

JOSHUA 11:8

Kala Prohona athumli Israelwui pāngli sangmida athumli sāthata kala Kahaka Sidon eina Misrephoth-maim vāshungda kharomvai; kala zingshoshong Mizpeh tampāk vāshungda kharomvāda athum akhala mataila sāthatserhaowa.

JOSHUA 8:24

Israelna Aiwui mibing chili lamhāngli kharomvāda athum saikora chili akha eina tangda mashākla raighai eina yaitupthat kahaiwui thili, Israel saikora Aili latvai kala chili leikasā saikora raighai eina sāthatserhaowa.