JOSHUA 1:9 - Kathara Bible (BSI)

⁹ Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

JOSHUA 1:9 Iomraidhean Croise

HAOKAPHOK 28:15

Yanglu, ina nali ngasomidalei, kala nawui khavāpam kachiva̱li thānmira, kala ngalei hili khuiungmiluishitra; kaja ina hāngkahai chi nali masāmiranglakha eina tangda mathāhaimara.”

HAOKAPHOK 39:2

Prohona Josephli ngasomisai, kala ana akhavāwui shimli pamda otsak kachiva̱ kaphāmāng sāmi,

HAOKAPHOK 39:3

Josephli Prohona ali ngasomidalei, kala awui kasā saikorali Prohona reisang ngasakta lei da akhavā china theihaowa.

2 SAMUEL 13:28

Chieina Absalomna awui raobingli hānga, “Amnon mariphaida matuisasān kahai chi yanglu, kala ina ‘Amnonli saulu’ jikhaleoda ali sāthathaolu. Mangacheealu; ina kakaso maningmala? Malung zangmeilu kala pingmeilu.”

1 THOTRINCHĀN 28:20

Chiwui thili Davidna anaomayara Solomonli hānga, “Lungsanmeilu kala pingmeida sālu. Mangacheealu, makhanangalu; kaja Proho iwui Varena nali ngasomida lei. Prohowui shim kasā hi makupranglakha eina tangda ana nali horkahai masālakmara.

2 THOTRINCHĀN 15:7

Kha nathum pingmeilu! nathumwui otsak mangazan ngasakhailu, kaja nathumwui ot kasāwui sāman samphangra.”

LAA 46:7

Ashangva̱wui Proho ithumli ngasomida lei; Jacobwui Vare ithumwui ngayin khavaina.

ISAIAH 41:10

mangacheealu, ina ngasomida lei, kaphaning masuitālu, kaja I nawui Varena; ina nali yāng ngarumsangmira, ina nali ngachonmira, ina nali iwui khayuia yāpang eina kanmira.

ISAIAH 43:1

Kha ara O Jacob, O Israel! Nali kasaa Prohona hithāda hānga: “Mangacheealu, kaja ina nali ngatangkhuihaira; mingsinda hokhuihaira, ara na iwuina.

ISAIAH 43:5

Ina ngasomida lei, mangacheealu; “Nawui ara̱-azā zingsho zingtun eina kazipkhuira.

ISAIAH 8:12

“Mibingna mithit khalentui khamatui da kaho chili mithit khalentui khamatui da maholu, kala athumna khangachee chili ning chipāda khangacheela mangacheelu.

DANIEL 10:19

Kala ana hānga, “O leishikhailak kahaia mi, mangacheealu, nali chingrihairanu, pingmeida malung zangmeilu.” Kala ana ili kahāng eina I pangsanghaida chieina hānga, “Ishameina hāngmilu; kaja nana ili pangngasakhaira.”

HAGGAI 2:4

Chithālala ara malung pinglu, O Zerubbabel, da Prohona hānga; malung pinglu, O Jehozadakwui naomayara pāngmon kharei Joshua; malung pinglu ngalei hiwui mi saikora, da Prohona hānga; ot sālu, kaja ina nathumli ngasomida lei, da saikorawui Prohona hānga,

HAGGAI 2:5

kaja nathumna Egyptwui eina kashok tharan ina tuingashit sākahai athishurda nathumli ngasomida lei. Iwui manglā nathumwui ngachaili pamda lei; mangacheealu.

OTSAK 4:19

Kha Peter eina Johnna athumli ngahānkai, “Varewui miktāli awui tui khanganāli nathumwui tui khanganāna mashungmeila, nathum khalatta machukyanglu.

KHALATLUI 1:21

Yanglu, ngalei chi Proho nathumwui Varena nathumwui mangāli haimihaira; navā ngarāwui Proho Varena hāngkahai thāda chili vāda asompamlu; mangacheealu; lah ning masuitaalu.’

KHALATLUI 20:1

“Nathumna yangkashebingli ngarar khavai khavā tharan, siguibing kala siguigaribing kala raimibing, nathumli chungkhamei theilaga nathum mangacheealu; kaja Egypt ngaleiwui eina thānshokkhame Proho nathumwui Varena nathumli ngasomida lei.

KHALATLUI 31:23

Kala Nunwui naomayara Joshuali Prohona otpam chisinda hānga, “Pingmeida malung zangmeilu; khikhalajila ina athumli mira da ngashit kahai ngalei chili Israelnaobingli nana thānsangki kajina: ina nali ngasomira.”

KHALATLUI 31:28

Nathumwui shang saikorawui khararnaobing, nathumwui otva̱bing, iwui mangāli rākazipserlu; ina athumli hāngchitheira kala chi kazing ngaleina shākhi sāra.

JOSHUA 1:10

Chieina Joshuana mibingwui otva̱bingli kasoi,

JOSHUA 1:17

Ithumna otsak saikorali Moseswui tui khanganā thāda, nawui tui nganāra; nawui Proho Varena Mosesli ngasokhami thāda nalila ngasomiranu!

JOSHUA 1:18

Nawui ningkhamili ngakaikashe, kala nana kakasosoli nawui tui makhanganā mi chili shaothatra. Pingmeida kala malung zangmeida sāmalu.”

JOSHUA 10:25

Kala Joshuana athumli hānga, “Mangacheelu, lah ning masuitālu; pingmeida malung zangmeilu, kaja nathumna khangarar nathumwui yangkashebing saikorali Prohona hithāda samimi jira.”

JOSHUA 10:8

Kala Prohona Joshuali hānga, “Athumli mangacheelu, kaja athumli ina napāngli horsangmihaira; athum mi khipānakha nali mangasungrarmara.”

JOSHUA 3:7

Kala Prohona Joshuali hānga, “Aja eina thuida Israel saikorawui mangāli ina naming reingasakra kala Mosesli ina ngasokhami thāda nalila ngasomi kaji athumna theikhuira.

JOSHUA 6:27

Hithāda Prohona Joshuali ngasomi; chieina ngalei katongali awui ming zatlakhaowa.

JOSHUA 8:1

Kala Prohona Joshuali hānga, “Mangacheelu, lah ningla masuitālu; raimi katonga khuiphunglu kala ngakarthuida Aili shanglu. Yanglu, Aiwui awunga, awui mibing, awui keinung kala awui ngalei ina napāngli sangmihaira;

WUNGVA̱-WUNGVĀ 6:14

Kala Prohona ali ngareivāda hānga, “Nawui yang hieina ngasoda vālu; Midianaobingwui eina Israelwui mibingli akankhuilu; ina nali kachiho maningmala?”

1 SAMUEL 10:7

Chieina machutkakhui saikora hi nali samphang kahaiwui thili nana sāki kaji ot chi sālu, kaja Varena nali ngasomida lei.