JOSHUA 1:8 - Kathara Bible (BSI)

⁸ Ainwui Lairik hi mahorhailakalu, kha ngashun ngayā machukpamlu, chithakha kapi kahai kachiva̱wui athishurda ning ngasharda sāshapra; chithāda nawui shongfa mataisangda nana maikhayā samphangra.

JOSHUA 1:8 Iomraidhean Croise

HAOKAPHOK 24:63

Kala Isaacna ngazinshong luili seihā sākhavai vai; kala ana ngashānkhavā tharān, yanglu, ut kachungkha ungrākasā thei.

2 THOTRINCHĀN 26:5

Vareli khangachee tamkachitheia Zechariahwui atamli ana Vareli phai; kala ana Proholi ngavaplakha eina tangda Varena ali mataisang ngasakchinga.

LAA 119:11

Ina nawui tui iningli shāptithaira, chithāda ina nali morei masāmara.

LAA 119:15

Nawui hāngkachitheili ina machukra, kala nawui apongli ina yangchingra.

LAA 119:97

Iyavo, nawui ainli leikashi! Langpongda ina chiwui pongli machuka.

LAA 119:99

Nawui tamkachitheili ina machukpamhaoda, ili chishutkhamebing saikorali ina theimei.

LAA 19:14

Ikhamor eina kashokshok tui kala iwui ningli chukkhamaja̱, nawui mangāli khuisang kapai ngasā ngasakmilu, O Proho, iwui lunghār, kala ili ngatangkhame!

LAA 40:10

Iningli nawui khangachon huikhami chi mathumhaimana; nawui huikhamila, ningtongda shitsang kapaiwui ponglila ina matuihaira; nawui makhangachei leikashi kala ningtongda shitkasangla ina mathumhailakla hakkhamahā yarui kazipli hāngsanga.

CHĀNSAM 3:1

Inaomayara, iwui tamkachithei mamalaihaialu; kha iwui ningkhami hi nawui wuklungli hailu;

ISAIAH 59:21

“Iwui vanga, hi athumli ina tuingashit kasāna da Prohona hānga: nathumwuili khalei imanglā, kala nathumwui khamorli sangmi kahai iwui tui chi nathum khamorwui eina mapākthuimara, nanao ngarāwui khamorwui einala kala nanao naongarāwui naongarāwui khamor einala, aja eina thuilaga khanao eina tangda mapākthuimara da Prohona hānga”.

MATTHEW 12:35

Kaphā mina awui khamathā kazip kahai chi eina khamathā shoka kala zakkashi mina awui kazip kahai chi eina zakkashi sāshoka.

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

MATTHEW 7:21

“Ili, ‘Proho, Proho’ da khangakaoa mi kachiva̱ kazing wungramli zangki kaji maningmana, kha kazingramli khaleia iwui Avāwui kaphaning kasaa china zangra.

MATTHEW 7:24

“Chieina iwui tuibing hi shākhuilaga kasā mi kachiva̱ lunghārtungli shim sākā kahaia thangkhama mi kathā ngasāra;

LUKE 11:28

Kha Jishuna ngahānkai, “Varewui tui nganākhuida chi khamayonbing sokhami ngasāranu.”

JOHN 13:17

Ara khamashung hi nathum theihaira; nathumna hiwui athishurda saakha kayākha ringkaphā ngasārakhala!

JOHN 14:21

“Kachikathāna iwui ningkhami khuisangda mayonakha a ili leikashena. Ili leikashe chili iwui Avānala leishira; inala ali leishida I khalatta ali phongmira.”

EPHESIANAO 4:29

Ramkai tui mamatuialu, kha kānnakapai reisangkapai tui matuida kashābingwui vang phākhavai sālu.

KHALATLUI 29:8

athumwui lam chi ithumna khui, kala Reubennaobing, Gadnaobing kala Manassehbingwui shangbingli ngayarmi.

KHALATLUI 29:9

Chiwui vang eina nathumna kasāsā saikorali ringphameida okthui khavai tuingashit hi ning ngasharda mayonlu.

KHALATLUI 30:14

Kha tui chi nathumli nganailak eina lei; chi nathumwui ning kala nathumwui khamorli lei, chiwui vang nathum shurshapra.

KHALATLUI 31:11

Prohona kapangkhuiki kaji apam chili Israel saikorana Proho nathumwui Varewui mangāli rākakazip tharan, Israel saikorana shākhavai ain chi athumwui mangāli pāchitheiki kajina.

KHALATLUI 31:24

Mosesna ainwui tuibing hi akup eina tangda kapi kahaiwui thili,

KHALATLUI 5:1

8Mosesna Israel saikorali hokhuida athumli hānga, “Nganālu, O Israel, ina aja nathumli shākhavai kagaso ain kala shiyan-chikanbing hāngkachithei hi nathumna ningkachāng eina shākhuida hi mayontitlu.

KHALATLUI 5:29

Athumwui ning hithachingda ili khangachee eina ningkhami mayonsersi kaja athumwui vangla, ara̱-azāwui vangla, kayākha phāra̱khala!

KHALATLUI 5:32

“Chiwui vang eina Proho nathumwui Varena kagaso thāda ningngasharlak eina sālu; nathumna uishong, lah yāshong mangareithuihailu.

COLOSSIANAO 3:16

Khristawui tui hi nathumwui wuklungli pemtinghai ngasaklu. Nathum akha eina akha theithangmeilak eina tamchithei ngaroklu kala machin ngaroklu. Laa einala, masotlaa einala kala kathara laa einala Vareli nathumwui wuklungli ningkashi eina ngasoda sochikatlu.

JOSHUA 1:7

Pingmeida malung zangda sāmalu, iwui rao Mosesna mikahai ain saikorawui athishurda ning ngasharlak eina mayontitlu; chiwui eina uivāk lah yāvāk mangareithuihaialu, chieina nana kazatpam kachida maikhayā samphangra.

JOSHUA 8:34

Kala chiwui thili ainli kapi kahai athishurda sokhami tuila khonkashi tuila ain saikora ana pātai.

PHONGKHAMI 22:14

Kashankachon tharzā eina ngasa̱kahaibing sokhami ngasāranu! Athumna kharinga thingrongwui athei chi shaipaira, kala keinungli ngavei chieina zangpaira.