JOSHUA 1:6 - Kathara Bible (BSI)

⁶ Pingmeida malung zangmeilu; kaja mibing hili mirada avāva̱ ngarāli ina ngashit kahai ngalei chi akhui khavai nana mibingli thānzangra.

JOSHUA 1:6 Iomraidhean Croise

HAOKAPHOK 12:7

Chitharān Prohona Abramli rāchitheida hānga, “Nawui naotunbingli ina ngalei hi mira.” Chiwui vang ana ali rākachitheia Prohowui vang apam chili hanphut akha sai.

HAOKAPHOK 26:3

Ina kahāng apam chili vālu, ina nali ngasomira kala somira; nali kala nawui ara̱-azāli; navā Abrahamli ngashit kahai chi ungshung ngasakta ram saikora chi na eina nawui atheili mira.

2 SAMUEL 10:12

Pingmeilu, kala ithumwui mibingwui vang kala ithum Vare keinungwui vang mayarnao akha sāda ngararsa; Prohona khamayā chieina vairanu.”

1 WUNGNAOBING 2:2

“I ara okathui saikorana khavā shongfa chili vāki jihaira. Pingmeilu kala mayarnao shoklak eina zatlu,

1 THOTRINCHĀN 22:13

Chieina Israelwui vang Prohona Mosesli kaso kahai ain kala shiyan-chikanbing chi mayontitakha na reikasang ngasāra. Pangmalu, kala pingmeilu. Mangacheealu; malung maringalu.

1 THOTRINCHĀN 28:10

Prohowui kathara shim sākhavai nali kapangkhuihaira, ning ngasharlu; kala pingmeida sālu.”

1 THOTRINCHĀN 28:20

Chiwui thili Davidna anaomayara Solomonli hānga, “Lungsanmeilu kala pingmeida sālu. Mangacheealu, makhanangalu; kaja Proho iwui Varena nali ngasomida lei. Prohowui shim kasā hi makupranglakha eina tangda ana nali horkahai masālakmara.

2 THOTRINCHĀN 15:7

Kha nathum pingmeilu! nathumwui otsak mangazan ngasakhailu, kaja nathumwui ot kasāwui sāman samphangra.”

2 THOTRINCHĀN 20:11

yanglu, nana mikahai shimlui hi athumna sāman khami thāda ithumli kashamhailaga khuilui khavai rārāli.

2 THOTRINCHĀN 20:7

O ithumwui Vare, nawui mi Israelnaobingwui mangāli apam hili leikasābingli nana kashammihaida nawui ngasotnao Abrahamwui ara̱-azāli katang makhavaiwui vang khami maningmala?

LAA 27:14

Proholi ngarailu; kaping eina ngasoda malung zanglu; mah Proholi ngarailu!

DANIEL 10:19

Kala ana hānga, “O leishikhailak kahaia mi, mangacheealu, nali chingrihairanu, pingmeida malung zangmeilu.” Kala ana ili kahāng eina I pangsanghaida chieina hānga, “Ishameina hāngmilu; kaja nana ili pangngasakhaira.”

HAGGAI 2:4

Chithālala ara malung pinglu, O Zerubbabel, da Prohona hānga; malung pinglu, O Jehozadakwui naomayara pāngmon kharei Joshua; malung pinglu ngalei hiwui mi saikora, da Prohona hānga; ot sālu, kaja ina nathumli ngasomida lei, da saikorawui Prohona hānga,

ZECHARIAH 8:9

Saikorawui Prohona hithāda hānga: “Saikorawui Prohowui shimphunga ngalung hamkaphok eina thuilaga marānbingwui khamor eina kashā samkaphang nathum khorumshim chi sākāshap khavai nathumwui pāng yāng kāngasaklu,

MISHĀN 26:53

“Ngaleibing hili aming mashingwui athishurda shimlui sākhavai ngakaimira.

MISHĀN 33:53

kala nathumna chili shimlui khuida pamra, kaja ngalei chi ina nathumli shimlui sākhavai mihaira.

1 CORINTHNAO 16:13

Ning ngasharlu, shitkasangli nganingtitlu, pingda pangda sālu.

EPHESIANAO 6:10

Naomeikapta, Proholi khangarum kala awui pangshap chieina nathumwui pangshap pangsang ngasaklu.

KHALATLUI 1:21

Yanglu, ngalei chi Proho nathumwui Varena nathumwui mangāli haimihaira; navā ngarāwui Proho Varena hāngkahai thāda chili vāda asompamlu; mangacheealu; lah ning masuitaalu.’

KHALATLUI 1:8

Yanglu, ina ngalei chi nathumwui mangāli haimihaira; vāda navā ngarā, Abraham, Isaac, kala Jacobli, kala athumwui ara̱-azāli mirada Prohona ngashit kahai ram chi akhuilu.’

KHALATLUI 11:8

“Chiwui vang eina nathum aja zimiksho ina kagaso chi nganālu, chithāda sāda nathumna vāzangda akhuiki kaji lam chi kapang kaping eina akhuishapra.

KHALATLUI 31:23

Kala Nunwui naomayara Joshuali Prohona otpam chisinda hānga, “Pingmeida malung zangmeilu; khikhalajila ina athumli mira da ngashit kahai ngalei chili Israelnaobingli nana thānsangki kajina: ina nali ngasomira.”

2 TIMOTHY 2:1

Chiwui vang eina inaomayara, Khrista Jishuli zangda samkaphang lukhamashan chiwui alungli kapinga ngasālu,

JOSHUA 1:18

Nawui ningkhamili ngakaikashe, kala nana kakasosoli nawui tui makhanganā mi chili shaothatra. Pingmeida kala malung zangmeida sāmalu.”

JOSHUA 1:7

Pingmeida malung zangda sāmalu, iwui rao Mosesna mikahai ain saikorawui athishurda ning ngasharlak eina mayontitlu; chiwui eina uivāk lah yāvāk mangareithuihaialu, chieina nana kazatpam kachida maikhayā samphangra.

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

JOSHUA 10:25

Kala Joshuana athumli hānga, “Mangacheelu, lah ning masuitālu; pingmeida malung zangmeilu, kaja nathumna khangarar nathumwui yangkashebing saikorali Prohona hithāda samimi jira.”

JOSHUA 13:6

phungreiramli kapamabing saikora Lebanon eina thuilaga Misrephoth-maim vāshungda, kala Sidonbing saikora zanga. Ina athumli Israelnaobingwui mangāli kashamshokra; ina nali kakaso athishurda ngalei chi Israelwui shimlui sāda nana yarmimalu.

JOSHUA 18:3

Chieina Joshuana Israelwui mibingli hānga, “Navā ngarāwui Proho Varena nathumli mikahai ngalei chi mavākhuila nathum karankha ngapaipamra̱khala?

JOSHUA 21:43

Hithāda sāda Prohona athumwui avāva̱ ngarāli ngashit kahai athishurda ngalei saikora Israelnaoli mihaowa, kala chi athumwui shimlui ngasāda pamhaowa.

JOSHUA 5:6

Kaja Egyptwui eina kashoka mibing, raimi saikora mathingakanranglakha eina tangda Israelwui mibing kum hangmati lamhānglungli zata; khikhalajila athumna Prohowui tui makhuisangmana; athumli seina̱ eina khuira̱ khalonga ngalei mirada avāva̱ ngarāli Prohona ngashithaikasā chi athumli mathei ngasakmara da Prohona ngashithaowa.

1 SAMUEL 4:9

Malung pinglu, mayarnao akha thāda, O Philistinenaobing, Hebrewnaobingna nathumli raonao sākasā thāda mangasā khavai, nathum khalatta mayarnao thāda sālu kala ngararlu.”