JOSHUA 1:5 - Kathara Bible (BSI)

⁵ Nawui mirin peida nawui mangāli khipānakha mangasungrarmara; ina Mosesli ngasokhami thāda nalila ngasomira; chieina ina nali machihomara kala mahorhaimara.

JOSHUA 1:5 Iomraidhean Croise

HAOKAPHOK 39:2

Prohona Josephli ngasomisai, kala ana akhavāwui shimli pamda otsak kachiva̱ kaphāmāng sāmi,

1 WUNGNAOBING 1:37

Ishamei awungali Prohona ngasokhami thāda Solomonlila ana ngasomiranu, kala amei Awunga Davidwui wungpamkhongli awui wungpamkhongna reimeiranu.”

1 WUNGNAOBING 11:38

Ina nali kakaso saikora chi nana mayonakha, kala iwui kahāng nganāda iwui rao David thāda iwui shiyan-chikan, ningkhami mayonda khangarong ot saakha, ina ngasomichingra, kala Davidwui shimkhur sākhami thāda nawui shimkhurli ina sakāmikachangkhatra, kala ina Israel hi nali mira.

1 WUNGNAOBING 6:13

Kala ina Israelnaobingli ngasopamra, kala iwui mi Israelli mahorhaimara.”

1 WUNGNAOBING 8:57

Ishāvā ngarāli ngasokhami thāda ithumwui Proho Varena ithumlila ngasomiranu; ana ithumli mahorhaila ngasomiranu;

1 THOTRINCHĀN 28:20

Chiwui thili Davidna anaomayara Solomonli hānga, “Lungsanmeilu kala pingmeida sālu. Mangacheealu, makhanangalu; kaja Proho iwui Varena nali ngasomida lei. Prohowui shim kasā hi makupranglakha eina tangda ana nali horkahai masālakmara.

LAA 46:11

Ashangva̱wui Proho chi ithumli ngasomida lei; Jacobwui Vare chi ithum ngayin khavaina.

SHONGZĀ 3:12

Ana hānga, “Ina nali ngasomira: kala nali ina kachihona kaji hieina theikhuira: Egyptwui eina athumli thānkashok tharan, Vareli nathumna phungrei hili otram ngatha̱ra.”

ISAIAH 42:16

Kala ina mik khangapeoali athumna makathei apong eina, athumna matheilak kaja shongfali thānzatra. Ina athumwui mangāli tangkhamang chi horngasakra, kokataropam ashāt sāngasakra, saikora hi ina sāserra, ina athumli mahorhailakmara.

JEREMIAH 1:8

Athumli mangacheealu, kaja nali kanmi khavai ina nali ngasomida lei da Prohona hānga.”

DANIEL 11:16

Kha ali rākhangarara china awui sākhangai rāsāra, kala ali khipākha mangasungrarmara; kala ana tekhamatei lam awui sāda pangshap saikora awui pāngli leira.

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

ROMNAO 8:37

Maningmana, ithumli leikashe awui mangā eina ot saikorali ithum khayuiana.

KHALATLUI 20:1

“Nathumna yangkashebingli ngarar khavai khavā tharan, siguibing kala siguigaribing kala raimibing, nathumli chungkhamei theilaga nathum mangacheealu; kaja Egypt ngaleiwui eina thānshokkhame Proho nathumwui Varena nathumli ngasomida lei.

KHALATLUI 20:4

kaja nathumli ngasokhame chi Proho nathumwui Vare china, nathumwui yangkashe chili ngararmida nathumna khayui ngasāra.’

KHALATLUI 31:23

Kala Nunwui naomayara Joshuali Prohona otpam chisinda hānga, “Pingmeida malung zangmeilu; khikhalajila ina athumli mira da ngashit kahai ngalei chili Israelnaobingli nana thānsangki kajina: ina nali ngasomira.”

KHALATLUI 4:31

kaja Proho nathumwui Vare chiya lumashankatha Varena; ana nathumli horkahai masāmara, lah masāshimānmara, lah navā ngarāli tuingashit sākahai chi ana mamalaimara.

KHALATLUI 7:24

Kala ana athumwui awungabingla nathumwui pāngli horsangmida okathuli athumwui ming shimānchao ngasakra; kala nathumna athumli mashimitchaoranglakha eina tangda khipākha nathumli mangasungrarmara.

2 TIMOTHY 4:17

Kha Prohona nganingmi kala ili pangshapla mi. Chieina Gentilebing saikorana nganāsang khavai paokaphā chi ina hāshokshaphaowa; a kala ili shaothat khavai khak tāki kaji chiwui eina kanshokmi.

HEBREWNAO 13:5

Nawui khalei chi shapa da phaninglu, lupāli mangamaralu, kaja Varena, “Ina nali mahorhailakmara kala machihohailakmara” da hānghaira.

JOSHUA 1:17

Ithumna otsak saikorali Moseswui tui khanganā thāda, nawui tui nganāra; nawui Proho Varena Mosesli ngasokhami thāda nalila ngasomiranu!

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

JOSHUA 10:8

Kala Prohona Joshuali hānga, “Athumli mangacheelu, kaja athumli ina napāngli horsangmihaira; athum mi khipānakha nali mangasungrarmara.”

JOSHUA 21:44

Kala Prohona athumwui avāva̱ ngarāli ngashit kahai athishurda athumli apam kachiva̱li ngasāmkhui ngasaka; yangkashe saikorawui eina akhanala athumli manganingkhamluimana; kaja yangkashebing saikora Prohona athumwui pāngli horsangmi.

JOSHUA 3:7

Kala Prohona Joshuali hānga, “Aja eina thuida Israel saikorawui mangāli ina naming reingasakra kala Mosesli ina ngasokhami thāda nalila ngasomi kaji athumna theikhuira.

JOSHUA 6:27

Hithāda Prohona Joshuali ngasomi; chieina ngalei katongali awui ming zatlakhaowa.

WUNGVA̱-WUNGVĀ 2:18

Prohona wungva̱-wungvā kapangkasang tharan Prohona athumli ngasomi, kala wungva̱-wungvā leilakha eina tangda ana mibingli yangkashibingwui eina kanmi; kaja athumli chotta khanang khangasakwui vang ringkhangā chi shālaga Prohona athumli lumashanmi.

WUNGVA̱-WUNGVĀ 6:16

Kala Prohona ali hānga, “Ina nali ngasomida lei, Midianaobing chili nana mi akha shaokathat thāda shaothatshapra.”

1 SAMUEL 10:7

Chieina machutkakhui saikora hi nali samphang kahaiwui thili nana sāki kaji ot chi sālu, kaja Varena nali ngasomida lei.