JOSHUA 1:15 - Kathara Bible (BSI)

¹⁵ Prohona nathumli kala nachināngarāli mangasām ngasakranglakha eina tangda kala Prohona athumli mikahai ngalei chi athumna khuikahaiwui thili; nathumwui ngasā kahai ngaleili Jordan kankāda zingshoshong Prohowui rao Mosesna nathumli mikahai ngalei chili hanungda pānra.”

JOSHUA 1:15 Iomraidhean Croise

1 CORINTHNAO 12:26

Phasāwui akai akha kazākha saikora chotruma, akai akhali khayākashi miakha saikora mathānruma.

1 CORINTHNAO 13:5

khayāning manganingmana kala achei-arei makathei otsak masāmana; khalattawui vang maphaningmana; kateili malungmavāt ngasakmana lah malungla mavātmana;

GALATIANAO 5:13

Ivānaongarā, nathumlila ningkhān khavai hokhuihaira. Kha ningkhān hina nathum phasāwui ningkachāngwui khutlai sāda nathumli mamung ngasakalu. Kha leishida akha eina akha ngachon ngaroklu,

GALATIANAO 6:2

Akhana akhawui khangazanli ngachonmi ngaroklu, chithākha nathum Khristawui kakaso khanganāna.

KHALATLUI 3:18

“Kala atam chitharan ina nathumli kasoda hānga, ‘Ngalei hi Proho nathumwui Varena nathumwui ngasā khavai mihaira; nathumwui raimi kapinga saikorana raisāri shaksāda nachināngarā Israelnaobingwui mangāvāk vāra.

KHALATLUI 3:20

Prohona nachināli mangasāmkhui ngasakranglakha eina tangda, kala athumnala Proho nawui Varena athumli Jordan kānda mida khalei ram chi khuikahai tharan, ina mikahai kachichāwui lamli latungda sompaira.’

KHALATLUI 9:1

“O Israel, nganālu; nathum aja Jordan kānki jiura kala nathumli hakkhamei kala pangkhamei yurbingli angapaikhuiki kajina; athumwui keinung kahakmānga, kala kazing kāzokta ngaveitit kahaimānga,

PHILIPPINAO 2:4

Khalatawui vāngmāng maphaningalu, kha ningaishi ngaroklu.

JOSHUA 1:1

Prohowui rao Moses thikahaiwui thili, Moseswui otram ngatha̱me Nunwui naomayara Joshuali Prohona hānga,

JOSHUA 1:14

Nathumwui preiva̱ngarā, nathumwui naongarābing kala sha̱keibing Jordan kānda Mosesna nathumli mikahai ngalei chili pamsāra; kha nathumwui alungli rai kapinga saikora raisāri shaksāda nachināngarāwui mangāli Jordan kānkāra kala athumli ngachonra,

JOSHUA 1:16

Chieina athumna Joshuali ngahānkai, “Nana ithumli kakaso saikora ithumna sāra, kala nana chikahoho apam chili ithum vāra.

JOSHUA 22:1

Chiwui thili Joshuana Reuben, Gad kala Manassehwui shang tangkhaili hokhuiya,