JONAH 4:8 - Kathara Bible (BSI)

⁸ Zimik kashok eina zingshoshongwui kasā masi Varena phanrā ngasaka kala Jonahwui kuili zinghām za̱haoda ning shimānhaowa; kala ana ali thingasakhaolu da poi, kala hānga, “Iwui vanga kharingli kathina phāmei.”

JONAH 4:8 Iomraidhean Croise

HAOKAPHOK 41:6

Chiwui thili zingshoshongwui masina phankhalanghaida shāt-kazanga tāham kahai māmazan shini shoka.

1 WUNGNAOBING 19:4

Amāng eina thangzatkha lamhāngli yāmvai, kala thingpompa̱ akhawui azingli apama; kala thingasak khavai ana hānga, “O Proho, hi shapshaphaira, ara imanglā khuimihaolu, kaja ila ishāvāngarāli maphāmeirarthura.”

1 WUNGNAOBING 21:4

Nabothna ali kahāng chiwui vang Ahabna malungvātta shilaga shimli unghaowa, kaja “Ishāvā ngarāwui shimlui nali mamimara” jihaowa. Ana petli ngayaisangda mai ngareifazanglaga zātla mazāmara jihaowa.

JOBWUI LAIRIK 2:10

Kha ana apreiva̱li hānga, “Nala mangkhama̱ sha̱nao akha thāda matuili. Ithumna Varewui eina khamathāva samphanglaga makaphāva masamphangsila?” Saikora hilila Jobna amorchai eina morei masāmana.

JOBWUI LAIRIK 7:15

chithāda ina ira̱kuimāng eina okthuiki kajile kahungli shimetmida kathi phāmei.

LAA 121:6

Ngashun zimikna lah ngayā kachāngnala mashaoreo ngasakmara,.

LAA 39:9

I khak ngasha̱ya, ikhamor mamakāmana; kaja hi nana sāmi kahaina.

HĀSHOKME 7:9

Malung mathuithāk alu, kaja malungkhavāt hi mangkhama̱bingwui makāli kazuna.

SOLOMONWUI LAA 1:6

Kazikwui vang ili mayangkazilu, zinghāmna zikkhangasakna. Ishāva̱wui naomayara ngarāna ili malungvāta, athumna ili drakhā yāmgui khamayona sāngasaka; kha, I khalattawui drakhā yāmgui mamayonmana!

ISAIAH 49:10

Athum kathaila mathaimara ra̱kachangla mara̱changmara. Masi kala zimikwui kasā chinala athumli masāza̱mara, kaja athumli lukhamashana china thānmira kala ura̱pamli athumli ngakuimira.

EZEKIEL 19:12

Kha malungvavāt eina arong phurshokta ngaleili horsanghaowa; zingshoshongwui masina thengmihaida atheila pa̱tāserhao. khamakanga akungla ngahuihaida meina chuitāhaowa.

HOSEA 13:15

Ana titi thāda mathāda phorlala, zimikshoshongwui masi, Prohowui masi chi, lamhāngwui eina phanrāra, kala awui tara̱pam thenghaora, awui ura̱wok chathaora; chili awui aman kasasaka sangkahai lanshim kānmiserhaora.

PĀNGMONSHI 10:3

Chieina Mosesna Aaronli hānga, “Prohona hithāda kahāngna ‘Ili rākhanganaibingli ina iwui kathar chitheida mibing saikorawui mangāli ili tekmatei ngasakra.’ ” Chieina Aaron kasaikha pamhaowa.

JONAH 1:17

Kala Prohona khaih kahakva akha ngarānmida Jonahli mayuisang ngasakhaowa; kala Jonahna khaihwukli ngashun kathum ngayā kathum pama.

JONAH 1:4

Kha Prohona shamadru chili siphan zingrot panglāk eina shokngasakta jahas chi kaiki jihaowa.

JONAH 4:3

Chiwui vang eina, ara, O Proho, ina nali kapona, iwui manglā khuimihaolu, kaja I kharingliva thikahaina phāmei.”

JONAH 4:9

Kha Varena Jonahli hānga, “Nana arong chiwui vang malungvāt khavai mashun leila?” Ana ngahānkai, “Ina vātngayilaka, vātnahaida kathila thingai.”

MATTHEW 20:12

hānga, ‘Rākhanaowa chi pung akhamang ot sai, laga langpongda zinghām sāririli ot kasā ithumli ngaraichā ngasakhaira.’

PHONGKHAMI 3:19

Ina leishilak kajebingli hāngmachinda tandila mi; chiwui vang eina ningmazingda ningngateilu.

PHONGKHAMI 7:16

Athum mathailuilakmara, mara̱changluimara, zimikwui kala khangateiwui kasānala athumli makāng ngasakmara;

1 SAMUEL 3:18

Chieina Samuelna mangathumlakla katonga chi hānga. Kala Elina hānga, “Chi Prohona; ana awui vang phara kaji chi sāranu.”