JONAH 4:3 - Kathara Bible (BSI)

³ Chiwui vang eina, ara, O Proho, ina nali kapona, iwui manglā khuimihaolu, kaja I kharingliva thikahaina phāmei.”

JONAH 4:3 Iomraidhean Croise

1 WUNGNAOBING 19:4

Amāng eina thangzatkha lamhāngli yāmvai, kala thingpompa̱ akhawui azingli apama; kala thingasak khavai ana hānga, “O Proho, hi shapshaphaira, ara imanglā khuimihaolu, kaja ila ishāvāngarāli maphāmeirarthura.”

HĀSHOKME 7:1

Mingzat khamathāna aman kasaka thaoli phāmei; kala kathi zimikshona kapharā zimiksholi phāmei.

HĀSHOKME 7:9

Malung mathuithāk alu, kaja malungkhavāt hi mangkhama̱bingwui makāli kazuna.

JEREMIAH 8:3

Ina kashamvā kahai apam kachida khalei makaphā shimkhurwui shāk kahai saikorana kharingliva kathi ningchangmeihaora da saikorawui Prohona hānga.

JONAH 4:4

Prohona hānga, “Na malungvāt khavai mashun leila?”

JONAH 4:8

Zimik kashok eina zingshoshongwui kasā masi Varena phanrā ngasaka kala Jonahwui kuili zinghām za̱haoda ning shimānhaowa; kala ana ali thingasakhaolu da poi, kala hānga, “Iwui vanga kharingli kathina phāmei.”

MISHĀN 11:15

Nana ili hithāda sāra jiakha ili sāthatlakhaolu, nana ili lumashanakha iwui sitkhamahui hi I matheiluingaiga.

MISHĀN 20:3

Kala athumna Mosesli ngasungda hānga, “Ithumla Prohowui mangāli ichināngarāli ngasoda thihaisasi kaja phālakra!

1 CORINTHNAO 9:15

Kha ina hikathā samphang khavai masālakmana kala samphang khavai kakapila maningmana. Kaja iwui langsokhangayi khalei chi kachikathāna arema sāngasaki kajiwui vanga thikahai phāmei.