JONAH 3:6 - Kathara Bible (BSI)

⁶ Pao chi Ninevehwui awungali vāshunga, chieina ana awui pamkhong horhai kala sāri raihaida bora ngavailaga hotlāli ngakhorpama.

JONAH 3:6 Iomraidhean Croise

1 WUNGNAOBING 21:27

Ahabna tuibing hi kashā tharan awui kachon serkhaklaga aphasāli bora ngavai, kala khumda bora māngli pi, kala ning mashoklakla zata.

JOBWUI LAIRIK 2:8

Kala ana hamkai akha khuilaga asasak eina hotkazamda hotlāli ngaleopama.

JOBWUI LAIRIK 42:6

chiwui vang I khalatta ningkachaiya, kala chifa eina hotlālungli ining ngateili.”

ISAIAH 15:3

chānreili athumna bora ngavaizata; kayāngli, shimtungli mi kachiva̱na chapta chāra̱ longtai.

JEREMIAH 13:18

Awunga kala awungva̱li hānglu: “Khanempamli pamlu, kaja nathumwui khamathā kuihon nathum kuiwui eina tātunghaira.

JEREMIAH 36:13

Kala Baruchna mibingwui mangāli pākachithei lairik akhaluili kapi kahai tui ana shākhui kahai saikora chi Micaiahna athumli ahāngsera.

JEREMIAH 36:24

Chithālala awungala, awui raobingla, tui chi shāshālaga khipākha mangacheemana, wukhanangda kachonla maserkhākmana.

JEREMIAH 6:26

“O iwui yurwui naongalāva̱, bora ngavaida, hotlātungli ngaleolu; naomayara akhamāngwui vang chapkhangachā thāda, ningchotlak eina chapngachālu; kaja sākashimāna chi kashuirak eina ithumwuitungli rara.

CHAPCHĀT 2:10

Zionwui naongalāva̱wui ararbingna akhon akhak mashokla ngaleili pama; athumna bora ngavaida kuili hotla neowa; Jerusalemwui ngalānaobingna kui mashunda ngaleili yangzanga.

CHAPCHĀT 3:29

chifali akhamor chizunlaga pamranu kachihān leisāpai;

EZEKIEL 26:16

Chieina ngayi ngalemli khalei wungnaobing wungpamkhongwui eina tungda wungnaosāri raihaida kala aphor phorkasang kachon raihaida kathirri eina pamra; athumna ngaleitungli pamda mikkhayip kachida kathirra, kala nali theilaga ngacheeyikhaora.

DANIEL 9:3

Chiwui thili kakhum eina, bora ngavaida kala hotlā teilaga seihā kasā eina ngasoda ina Vare Proholi mai ngareiunga.

MICAH 1:10

Chi Gathli mahāngalu, machaplakalu; Beth-le-aphrahli nathum chifali ngaleolu.

MATTHEW 11:21

“Chorazin, nali ringkashi ngasāranu! Bethsaida, nali ringkashi ngasāranu! Nathumwui lungli hakkhamahā ot sākahai chi Tyre eina Sidonli sāsāsi kaje athumna borāshi ngavailaga hotla teida achā ningngateihairara.

LUKE 10:13

“Chorazin! Nali kakhanang ringkashi ngasāranu! Bethsaida! nali kakhanang ringkashi ngasāranu, kaja nathumwui alungli hakkhamahā ot sākahai chi Tyre eina Sidonli sāsāsi kaja athumna borāshi ngavaida kala hotlātungli ngaleoda achā ning ngateihairara.