JONAH 3:5 - Kathara Bible (BSI)

⁵ Chieina Ninevehwui mibingna Vareli shitsanga; kala khareia eina thuida khangazana tāshungda bora ngavailaga kakhum eina pama.

JONAH 3:5 Iomraidhean Croise

2 WUNGNAOBING 19:1

Awunga Hezekiahna chi kashā tharan, kachon serkhaklaga bora ngavaida Prohowui shimli kai.

2 THOTRINCHĀN 20:3

Chieina Jehoshaphatna ngacheehaida akhalatta Proholi seihā sai, kala Judah saikorali kakhum eina pamserlu da kasoi.

EZRA 8:21

Chieina kongpamli ithum khalatta Varewui mangāli hamsang khavai, awui eina ithum khalattawui, ithumwui naoshinaobingwui, ithumwui khorkhong saikorawui khangarong shongfa phākhui khavai ina chili khumkhavai kasoi.

ESTHER 4:1

Mordecaina shokkahai saikora chi theilaga, awui kachon serkhākta bora ngavailaga hotla neoda malung ringda panglāk eina chaplaga keinungli vai;

SHONGZĀ 33:6

Chiwui vang eina Israelnaobingna Horeb phungreiwui eina thuida sāri-khongnāngbing khuishokserhaowa.

JEREMIAH 31:34

Mi kachiva̱na khongnainaoli kala achināli, ‘Proholi theilu,’ da hānglaga matamchithei ngarokmara, kaja kateola khareila mi kachiva̱na ili theiserra; da Prohona hānga; kaja athumwui khayon ina pheomira, kala athumwui morei sākahai maphaningungluimara da Prohona hānga.”

JEREMIAH 36:9

Josiahwui naomayara Judahwui awunga Jehoiakimna mungda kaphangā kum, kachāng kachikoli, Jerusalemwui mi saikora kala Judahwui keinungwui eina Jerusalemli khavābing saikorana Prohowui mingli kakhum eina pama.

JEREMIAH 42:1

Chiwui thili raithānabing, Kareahwui naomayara Johanan, kala Hoshaiahwui naomayara, kala kharei kateo mateila mi saikora vāda,

JEREMIAH 42:8

Chieina ana Kareahwui naomayara Johanan, ali khangaso shipai kathānabing, chili lāngda kharei kateo mateila mi saikorali hokhuida,

DANIEL 9:3

Chiwui thili kakhum eina, bora ngavaida kala hotlā teilaga seihā kasā eina ngasoda ina Vare Proholi mai ngareiunga.

JOEL 1:14

Kathar eina khumlu, khamashung eina kaziplu, Khararnaobing kala ngalei hili khalei mi katonga hokhuilu, kala nathum Vare Prohowui shimli Proholi ngakaolu.

JONAH 3:7

Kala Nineveh katongali pao chishatta hānga, “Awunga kala wungva̱-wungvābingwui kakasona kaja miranu, sāranu, sha̱keiranu, khikha mamazapailakmara, maphauipaimara, mashimanpaimara;

MATTHEW 12:41

Bichar sāthanghon Ninevehwui mibingna mithot hili ngasoda ngakarthuira kala nathumli athumna khayon phenra. Khiwui vangkhala kaja Jonahn pao hākashok eina athumna ning ngateihaowa kala yanglu, Jonahli reikhameia kachikatha akha hili leili.

LUKE 11:32

Ninevehwui mibingna thot hili ngasoda bichar sāthanghon anganingrumda athumli khayon mira; kaja athumna Jonahna paokhamathā hākashok chi khuisangda ningkhangatei samphanga, kala yanglu, Jonahli reikhameia akha hili leili.

OTSAK 27:25

Chiwui vang ivānaongarā, malung pingmeilu, kaja ana ili hāngkahai chi tāzak eina shokra da ina Vareli shitsanga.

OTSAK 8:10

kala kateo kharei mi saikorana, “Mipa hi Varewui Pangshap, Kahaka kaho china” da shitsanga.

HEBREWNAO 11:1

Mik eina matheiranglala samphanglakra da ningnganungda chihantit kaji hi shitkasangna.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

PHONGKHAMI 11:3

Ina iwui shākhi khanili bora ngavailaga zimiksho thingkha shākhani hangtharukthang marān ngasakra.”