JONAH 2:9 - Kathara Bible (BSI)

⁹ Kha ina nali ningkashi khami eina ngasoda pha̱phayāra; Ina ngashit kahai chi ina mira. Huikhami Prohowuili lei.”

JONAH 2:9 Iomraidhean Croise

HAOKAPHOK 35:3

chiwui thili ithumna Bethelli shangda ina chotchānglakha ili ngahānkākhame, kala iwui kazazatli ngasokhame Vare chili ina hanphut akha sāra.”

2 SAMUEL 15:7

Kum khamate apeilam Absalomna awungali hānga, “Hebronli Proholi ina ngashit kahai athishurda asākhavai khamayā mikhavai kapona.

JOBWUI LAIRIK 22:27

Nana ali seihā sāda, ana nali shāmira, kala nana khangashit mira.

LAA 107:22

Kala athumna ningkashiwui pha̱kaphayā chigatranu, kala ana sākhami chiwui vang khamathān laa eina soranu.

LAA 27:1

Proho iwui kahor kala ili huikhamena; ina khipāli ngacheerakhala? Prohona imirinwui raipanna; khipāli ina ngangrakhala?

LAA 3:8

Kankhami hi Prohowuina; nawui sokhami nawui yurbingwuitungli leiranu.

LAA 50:14

Ningkashiwui pha̱kaphayā Vareli chigatlu, Juimeikap kachipāli nana khangashit sākahai chi milu;

LAA 50:23

Ningkashi pha̱kaphayā sāda khuikharābing ili khayākashina; apong mashungrik kahai chili ina Varewui huikhami chitheira!”

LAA 68:20

Ithumwui Vare hiya huikhame Varena; kala kathiwui eina ngatangkashok chi VARE, Prohowuili lei.

LAA 95:2

A khaleipamli ithumna ningkashi eina ngasoda zangsa; ithumna ali masotlaa eina ngasoda khamathānkhon vaosa!

ISAIAH 45:17

Kha Israelli katang makhavai huikhami eina ngasoda huimihaira; katang mavaila nathumli kakhayakla kala pa̱khangapāla malei ngasakmara.”

JEREMIAH 33:11

ringkaphākhon, khamathānkhon, shakazā mayara kala ngalāva̱, laa kasābingwui khon, Prohowui shimli ningkashi rākachigatwui laa kasākhon shāluira: ‘Ashangva̱wui Proholi ningshilu, kaja ava kaphā Prohona. Kaja awui makhangachei leikashi katang mavaimana!’ Kaja kharewui tākam eina ina ngalei chiwui shimlui hanmiluira.”

HOSEA 14:2

Nawui tui khuiphunglaga Proholi latungda ali hānglu, “Khayon-khamāng khuithuiserhaolu, kaphā chi khuimilu, kala ithumwui morchaiwui athei che ithumna phungra.

JOHN 4:22

Nathum Samarianaona khipāli khokharumkhala da matheimana, kha Jihudi ithumna khipāli khokharumkhala da thei, kaja huikhame hi Jihudiwui eina rai.

OTSAK 4:12

Huikhami hi khangatei khipākhawuilila maleimana, okathui hupva̱li mibingwui ngachaili aming hi maningla khangatei huimishapa aming mikahai maleilakmana.”

ROMNAO 12:1

Chiwui vang eina ivānaongarā, Varena ithumli tarākha lumashankhamiwui vang ina nathumli hi poli kaja nathum khalatta Vareli ringchigat sāda chigatlu, otram khangatha̱li dharchigatta ali ningyāng ungngasaklu. Hi nana chigatkhangayiya khamashunga khokharum chilaka.

KHALATLUI 23:18

Nathum khayorva̱ akhawui aman, lah fa akhawui aman, Proho nathumwui Varewui kathara shimli khikha khangashit kasāwui pheisā mikhavai makhuirāpaimana, kaja khanini hi Proho nathumwui Varewui mangāli ningkakachai otna.

HEBREWNAO 13:15

Jishuwui mangā eina ithumwui pha̱kaphayā sāda Vareli atam kachida masotchikatsa; hi ithumwui khamor eina a Prohona da hāngkaphatwui kachigatna.

PHONGKHAMI 7:10

akhon pangda vaosera: “Huikhami hi wungpamkhongli kapama, ithumwui Varivara kala Yaonao chiwuina.”

1 SAMUEL 12:21

kala arema ot, nathumli katong makhalei lah kaphā makhalei otbingwui thi mashurthuihai alu, kaja athum khikha masākhavaiana.