JONAH 1:9 - Kathara Bible (BSI)

⁹ Chieina ana athumli ngahānkai, “I Hebrewnaona; kala ina kazingramwui Varivara kala ngaleila ngayila kasaa Proho chili shitkasanga mi akhana” da hānga.

JONAH 1:9 Iomraidhean Croise

HAOKAPHOK 1:10

Katheng chili Varena Ngalei hoi, kala tara̱ kazipkha sākahai chili Shamadru hoi. Kala chi phāhaira da Varena thei.

HAOKAPHOK 14:13

Mi akha yāmshokta Hebrewpā Abramli pao unghānga, ana Eshcol eina Anerwui achinā Amorwui Mamrewui shirimthing ngalemli pamsai, athum hi Abramli khavak sāda leisai.

HAOKAPHOK 24:7

Ishāvā ngarāwui eina, kala kapharā pam eina thānshokta ‘Nawui ara̱-azāli ina lam hi mira,’ da shākhi sāda kahānga kazingramwui Proho Varena nali rida awui kazingrao chihora, kala nana inaomayarawui vang apreiva̱ chiwui eina akhuimira.

HAOKAPHOK 39:14

preiva̱ china shim chili khalei mibingli hokhuida hānga, “Yanglu, ithumli chipat khavai igaharana Hebrewnao akha khuiunghaili! Ana ili ngasopikida kazang eina ina akhon panglāk eina vaowa;

2 WUNGNAOBING 17:25

Athumna chili pānphokkhareli Proholi mangacheemana; chiwui vang Prohona kazingkha̱ athumwui alungli chihorāda mi kasāthathaowa.

2 WUNGNAOBING 17:28

Chiwui vang Samariawui eina khuithui kahai pāngmon akha vāda Bethelli achipama, kala Proholi kathāda athumna ngacheerakhala kaji athumli tamchithei.

EZRA 1:2

“Persiawui awunga Cyrusna kahāngna: Kazingramwui Vare Proho china okathuiwui wungram saikora mungkhavai ili mihaira, kala Judahli khalei Jerusalemli awui shim akha sākhavai ili kasohaira.

EZRA 5:11

“Kala athumna hithāda ngahānkai, ‘Ithum kazing eina okathuiwui Varewui raosera, achālakha Israelwui kahaka awunga akhana sākup kahai shim chi ithumna sākālui kajina.

NEHEMIAH 1:4

Tui chi kashā eina ina pamzangda chapa, kala zimiksho kasāngkhawui vang sifapama; ina kazingramwui Vareli kakhum eina seihā sapama.

NEHEMIAH 2:4

Chieina awungana ili hānga, “Nawui pokhangai khi leili?” Chieina ina kazingramwui Vareli seihā sai.

NEHEMIAH 9:6

Kala Ezrana hānga, “Proho chi nalāka, namānga; kazingla, kazingramwui kazingramla, kala chiwui alungli khalei ashangva̱la, okathui kala chili khalei saikorala, shamadrubing kala chiwui alungli khalei saikorala nana sākhuilaga phārimiya; kala kazingramli khalei ashangva̱na nali khoruma.

JOBWUI LAIRIK 1:9

Chieina Satanna Proholi ngahānkāda hānga, “Jobna aremali Vareli khangacheela?

LAA 136:26

O kazingramwui Vareli ningkashi milu! kaja awui makhangachei leikashi katang mavaimana.

SHONGZĀ 1:15

Chiwui thili Hebrew sha̱naobingwui nao khuitākhamiva̱ khani; Shiphra eina Puahli awungana hānga,

SHONGZĀ 2:13

Akhama kathā khavā tharan, Hebrewnao khani ngama̱sai. Chieina ana khayonpa chili hānga, “Khisāda nasotali shaokhala?”

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

HOSEA 3:5

Naoda Israelnaobingna latungra kala athumwui Vare Proholi kala athumwui awunga Davidli phāra; kala athumna ngacheeda Proho kala awui kaphā chili khanaowa zimiksholi latungra.

OTSAK 14:15

“Itaongarā, nathumna kachiwui vang eina hithada kasākhala? Inila nathum eina ngaraikachā mikumona. Makānkhanā otbing hiwui eina mai ngareithuihailaga kazingla, ngaleila, shamadrula kala chiwui alungli khalei ot saikora kasā kharinga Vareli ngareiung khavai paokaphā hāshok khavai ithum hili khaleina.

OTSAK 27:23

Kaja āngayā, ina khokharuma iwui Varewui kazingrao akha ili rāda

PHILIPPINAO 3:5

Kachishata thang ili ahui rimshoka. I Benjaminwui shimkhurli kapharā Israelnao akhana, kākashunga Hebrewnaona, Jihudiwui ain khamayonli yangsa jiakha iva Phariseena,

PHONGKHAMI 11:13

Pung chichangli neina̱ panglāk eina khanuka, kala keinung khum tharāwui khumkha shimānhaowa. Neina̱ kakhanuk chili mi thingshini thihaowa; kateibing china ngacheeshunhaida kazingramwui Vareli masot chikata.

PHONGKHAMI 15:4

Khipāna namingli mangacheera kala matekmatei ngasakrakhala, O Proho? Khikhalajila namāngna katharana. Yur saikorana rāda nali rākhorumra; kaja nawui mashun bichar theiserhaira.”

PHONGKHAMI 16:11

kha kakazā kachot chiwui vang Vareli khonshi, athumna sākahai chiwui vang ning mangateingaimana.