JONAH 1:4 - Kathara Bible (BSI)

⁴ Kha Prohona shamadru chili siphan zingrot panglāk eina shokngasakta jahas chi kaiki jihaowa.

JONAH 1:4 Iomraidhean Croise

LAA 135:6

Prohona ana ningyāngkhaung chi sai, kazingramlila, okathuilila, shamadrulunglila, kathuk saikoralila.

LAA 135:7

Okathui akatang eina muiyā ngasuikā khangasak, kazing rokhavai rikhān ngashei khangasak; awui kazip khavai chikhurwui eina masi phankhangasaka chi alaka.

LAA 148:8

mei eina theih, horām kala phām, siphan-zingrot, awui ningkhami ungshung ngasaka!

SHONGZĀ 10:13

Chithāda Mosesna awui khāmshui singda Egypt ngaleili apāng khāngkakā eina Prohona zingsho masi phanrā ngasakta ngashun pongda kala chithang ngayā pongda phana; kala ngathorshong zingshoshongwui masi china khaoh phanrai.

SHONGZĀ 10:19

Kala Prohona zingtunshongwui masi panglāk eina phanngasakta khaoh saikora Red Seali phansang ngasakserhaowa, kala Egypt ngaleili khaoh akhanidala maleilathuwa.

SHONGZĀ 14:21

Chieina Mosesna ngayivāk apāng katingvai; kala ngayā pongda Prohona kapanga zingshoshongwui masi phanngasaka, kala tara̱ chi lānmihaida ngayi thengngasaka, kala tara̱ chi ngayarkhaimihaowa.

SHONGZĀ 15:10

Nana nawui masi phanda, ngayina athumli farora; mari thāda athumna kapanga tara̱lungli ngaphumhaowa.”

JEREMIAH 51:16

Ana matuikashok tharan kazingramli tara̱ ngarungninghai, kala ana okathui akatangwui eina leijui ngapānkā ngasaka. kazing rokhavai rikhān ngashei ngasaka, kala ana sikhurwui eina masi phanngasaka.

AMOS 4:13

Kaja yanglu, kaphung kasaa, masi sākashoka, kala awui kaphaning mili hāngkhame, ngathorshong tangmang khangasaka, okathuiwui atungli kazata, ashangva̱wui Vare Proho chi awui mingna!

MISHĀN 11:31

Kala Prohowui eina masi phanshokta kongkui kachungkha shamadruwui eina yongshok ngasaka, kala athumwui rāmrah ngalemli hivāk thangzatkhawui vāng kala lākhavāk thangzatkhawui vāng da rāmrah kuimareida, kala ngaleiwui eina khuining khani shāda tatung ngasaka.