JOHN 7:7 - Kathara Bible (BSI)

⁷ Okathuina nathumli maningkachairarmana, kha ili ningkachai, kaja chiwui otsakbing chi makaphāna da ina hāngching kajiwui vangna.

JOHN 7:7 Iomraidhean Croise

1 WUNGNAOBING 21:20

Ahabna Elijahli, “Nana ili rāsamphanghailuira jo, O iwui yangkashe?” da hānga. Ana ngahānkai, “Ina nali samphanghaira,” khikhalajila “Prohowui mikyanli makaphā ot sākhavai na khalatta yorzāhaira.

1 WUNGNAOBING 22:8

Israelwui awungana Jehoshaphatli hānga, “Prohowui tui ngasan khavai mi akhava leifaya, Imlahwui naomayara Micaiah china; kha I ali ningkachaiya, kaja ana iwui vang zakkashi maningla khamathā akhala mahāngmilakranga.” Jehoshaphatna hānga, “Awungana chithāda mahāngmialu!”

LAA 109:5

Chithāda athumna ili kaphāwui vang makaphā hanmi, iwui leikashiwui vang yangkakharing hanmi.

CHĀNSAM 15:12

Mana̱shikazārana ali mahāngmachin ngasakngaimana, ana thangkhamawuili mavāmara.

CHĀNSAM 8:36

kha ili phāyon kahaibing khalatta khamā za̱khui; ili yangkakharingbing saikora kathili leishi.”

ISAIAH 29:21

Chānhān eina mibingli ning saza̱ khangasaka, machinkhameli ngaveili khalen kasanga; mashun khaleia ali kapikta nguikhangasaka athumli katathaora.

ISAIAH 49:7

Israelwui ngatangkhame, kala awui Katharapa, chinkākhailak kahaia, miyurbingna ningkachai kahaia, khamungabingwui rao chili, Prohona hithāda hānga: “Awungabingna theida ngakarthuira, wungnaobing athum khalatta ngakhumshāmsangra.” Khikhalajila ningkatonga, Israelwui Katharapa nali kapangkakhuia Prohowui vangna.

JEREMIAH 20:8

Kaja ina matuikachida, ina vaoya, “Khangashao kala sākashimān!” da ina vaoshoka. Kaja Prohowui tui chiwui vang ili langpongda zeikhanganao kala mana̱kashi ngasāhaira.

PĀNGMONSHI 13:10

kala pāngmonna ali yangra, yanglaga ahuili khawor chi charakha, kala ahā chi charhaiakha, kala khawor chi sānui shonakha,

ZECHARIAH 11:8

Kachāngkhawui alungli ina yaokahoma kathum shimān ngasaka. Kha ina athumli maja̱mirarthuwa, kala athumnala ili yangkharinghaowa.

MALACHI 3:5

“Chiwui thili nathumli bichar sākhavai ina rānganaira; ina sha̱ khangasobing, shām kasābing, kapikta shākhi kasābing, ngalangman mamila singkakharengbing, marānao, ra̱meinaoli malukhamashanbing, kha̱ram kazatabingli kakashambing kala ili makhangacheebingwuitungli mashun shākhi mira da saikorawui Prohona hānga.

LUKE 6:26

“Mina nathumli sotkhamasao tharan nathum kakhanang ringkashi ngasāranu, kaja athumwui avāva̱ ngarābingnala minama marānbingli chi tākam eina sāsai.

JOHN 17:14

Ina nawui pao chi athumli mi, chieina okathuina athumli ningkachaihaowa kaja ina okathui hiwui makhaning thada athumla okathui hiwui maningmana.

JOHN 3:19

Kala bichar chi hithai: kahor chi okathuili rāhaira, kha mikumona tangkhamangli leishitha̱haowa kaja athumwui otsak maphāmana.

ROMNAO 8:7

Kaja phasāwui athishurda kazata mi chiya Vareli yangkashena; ana Varewui ain mashurmana, kasāla masārarmana,

GALATIANAO 4:16

Ina nathumli mashun tui hāngkhamiwui vang ara I nathumwui yangkashe ngasāhaola?

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

1 JOHN 4:5

Athuma okathuiwuina, chieina athumna khamatui chi okathuiwuina kala okathuina athumwui tui khui.