JOHN 7:1 - Kathara Bible (BSI)

¹ Hiwui thili Jishuna Galileeli yaovai. A Judeali mavāngaithuwa, kaja chili khalei Jihudibingna ali shaothat khavai rimhaowa.

JOHN 7:1 Iomraidhean Croise

MATTHEW 10:23

Athumna nathumli keinung akhali rekakharek chitharan khangatei akhali yāmvālu; kaja Ina nathumli kachangkhat eina kahāngna, miwui Naomayarana marāranglakha eina tangda nathumna Israel keinung saikorali sākikaji ot masākuprangsāra.

MATTHEW 21:38

Kha khamasābing china anaomayarali kathei eina athum khalatta hāngngaroka, ‘Hiya shimlui kāki kaje china; rālu, ali shaothathailaga awui shimluikat chi ithum khuihaosa.’

MARK 11:18

Pāngmon akhokabing eina ain kathemabingna chi shālaga ali shaothat khavai apong phai; kala mi kachungkha china awui tamkachithei matakhak kahaiwui vang athumla ali ngacheehaowa.

JOHN 1:19

Jerusalemli khalei Jihudibingwui kathānabingna pāngmonbing eina Levitebingli chihovāda Johnli “Na khipākhala?” da angahān ngasaka.

JOHN 4:3

ana Judeawui eina Galileeli latunga.

JOHN 4:54

Jishuna Judeawui eina Galileeli kharā tharan machut kachithei hina kakhanena.

JOHN 6:1

Chiwui thili Jishuna Galilee shamadru vāklaida khalei Tiberias ngayili vai.

JOHN 7:11

Jihudiwui akhavābingna, “Jishu kali leikhala” da ngathinglaga phāzata.

JOHN 7:13

Chithālala Jihudiwui akhavābingli ngacheehaoda khipākha awui pongli phonglāk eina mamatuilengmana.

JOHN 7:19

Mosesna ain khami maningmala? Kha nathum khipākha ain chi mamayonmana. Khiwui vang eina nathumna ili shaothat khavai hotkhanākhala?”

JOHN 7:25

Jerusalemwui mi kaikhana hānga, “Akhavābingna shaothatra kaji mipa chi hi maningmala?

JOHN 7:35

Jihudi akhavābing athum eina athum ngazek ngaroka, “A kali vaukida ali maphākhuirarmara kajikhala? Ithumwui mibing chaida khalei Greeknaowui keinungbingli vāda Greeknaobingli atamchitheira kajila?

JOHN 8:37

nathum Abrahamwui naotunna kaji ina thei, laga nathumna iwui tamkachithei mamayāmada ili shaothat khavai sai.

JOHN 8:40

Kha Varewui eina shākhuilaga nathumli khamashung tui chi khamatui ili nathumna shaothat khavai ngarānda lei. Abrahamna hithada masālakmana.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.