JOHN 4:6 - Kathara Bible (BSI)

⁶ Jacobwui ra̱khong chi chili lei, kala Jishuna ram zatta chothaoda ra̱khong chiwui ayarli apamkhui, chi pung katharuka maikhawui atamlina.

JOHN 4:6 Iomraidhean Croise

MATTHEW 27:45

Ara pung katharukawui eina thuida pung kachiko eina tangda ngalei katonga tangmangtinghaowa.

MATTHEW 4:2

Kala ana ngashun ngayā hangmatithang khumpama, chiwui thili A thaihaowa.

MATTHEW 8:24

Kala yanglu, shamadruli siphan zingrot panglāk eina ngasha̱ungda marikhong chi tara̱ khangaphaona ngaphumki jihaowa, kha Jishuva piphuphaira̱sai.

LUKE 2:7

Kala awui naochizai mayarnao akha pharai kala ali naokhalui eina khaluilaga sigui khongsaili chipethai, khiwui vangkhala kaja kha̱ chili ani shimzun mangarinthuwa.

LUKE 9:58

Chieina Jishuna ali hānga, “Ramfala akhur lei, khamasaili yongkazata vānaobingla athip lei, kha miwui Naomayarava ngayaizangda ngasāmkhui khavaipam akhala maleimana.”

JOHN 11:9

Jishuna hānga, “Thangkhali pung tharāda khani maleimala? Mina ngashunshong zatakha phei mangaphokmana, kaja ana apuk-apagawui kahor chi thei.

JOHN 4:12

Ishawo Jacobli na reimeila? Ana ithumli ra̱khong hi khamina, kala ala awui naongarābingla kala sha̱keibingla hi mangkasāna.”

JOHN 4:5

Chieina Jacobna anaomayara Josephli khami tampāk chiwui ngalemli khalei Sychar kaho Samariawui keinungli ana vai.

JOHN 4:7

Apam chili Samariawui sha̱nao akha tara̱ rātārasai. Jishuna ali hānga, “Ili tara̱ khamimanglu.”

2 CORINTHNAO 8:9

Proho Jishu Khristawui lukhamashan nathumna thei; kaja ana shānglaklala nathumwui vang eina chāmhaowa; awui kachām chi eina nathum shāngkhavaina.

HEBREWNAO 2:17

Ningtongda shitsangkapai kala Varewui mangāli lumashankatha pāngmon kharei sākhavai; ana otsak kachiva̱li achināngarā thada kasāna, kaja mibingwui morei pheomi khavaina.

HEBREWNAO 4:15

Ava ithumwui khangazanli malukhamashana pāngmon kharei maningmana. Lākhashong phaningakha, ithumwui thada alila suihaira, kha ava morei masālakmana.