JOHN 3:3 - Kathara Bible (BSI)

³ Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 3:3 Iomraidhean Croise

JEREMIAH 5:21

“Mangkhama̱, ning makazanga mibing, hi nganākhuilu, mik kālala makatheibing, khanā kālala makashābing.

EZEKIEL 36:26

Ina ning kadhar sangmira, kala ina manglā kadhar sangmira; kala ina ngalungwui malung chi khuishokhaida asāwui malung phonmira.

MATTHEW 16:17

Chieina Jishuna ali ngahānkai, “Johnwui naomayara Simon, na ka̱lā mahai! Kaja nali asā khavaiya kala ashee kazangana phongkhami maningmana, kha kazingramli khalei iwui Avāna phongkhamina.

MATTHEW 19:24

Kala ina nathumli hāngluishitli, kashānga mi akhana Varewui wungramli zangki kajile utna kapimkhurli ngara̱kashokna paimei.”

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 5:18

Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara.

MARK 10:14

Jishuna chi kathei tharan malungvāthaowa kala athumli hānga, “Naoshinaobingli iwuili rāngasaklu; mahaphailu; kaja Varewui wungram chi chikathābingwuina.

MARK 9:47

Namikna nali morei sangasakakha, latshokhaolu; nawui vanga mik khani kālaga kazeiramli horsangki kajile mik lākhavākmāng kālaga Varewui wungramli kazangna phamei,

JOHN 1:13

Varewui kaphaning eina kapharā saikorali ana Varewui naongarā ngasā khavai pangshap mi.

JOHN 1:5

Kahor china tangkhamangli horngasaka kala tangkhamangna chili mayuirarmana.

JOHN 1:51

Kala Jishuna athumli hānga, “Kachangkhat eina ina nathumli kahāngna, nathumna kazingram shokahai theira, kala Varewui kazingraobingna miwui Naomayarawuitungli kakā katung theira.”

JOHN 12:40

“Varena athumli mik ngapeo ngasakhaira, kala athummwui ning makang ngasakhaira, chieina athumwui mikna matheimara, kala athumwui ningna mamajukmara, kala athumli raimi khavai ili mangareiungngaimara.”

JOHN 3:4

Nicodemusna, “Mi akhana sārhailaga kathada pharāluishitpairakhala? Ana ava̱wui wuklungli zangluishitlaga kakhane sāda pharāluipairala?” da ngahāna.

2 CORINTHNAO 4:4

apuk-apaga hiwui makapha varenaona mashitkasangbingwui ning ngapeo ngasakhaoda, Varewui sakrin kakhuia Khristawui tekhamateiwui paokaphawui kahor chi mathei ngasakthuwa.

2 CORINTHNAO 5:17

Chiwui vang eina kachikathāna Khristali leiakha a kadhara pāngsemna; kachama chi kānthuihaira, yanglu; kadhara chi rāhaira.

GALATIANAO 6:15

Ahui rimkashoknala lah marimkashoknala maningmana; kha midhar khangasā hina akachangana.

EPHESIANAO 2:1

Kharekachāng kahāng makhanganāwui vang kala morei kasāwui vang nathum manglārinli thida leisai.

KHALATLUI 29:4

kha aja eina tangda nathumwui ningli theikhui khavai, lah mik eina theikhui khavai kala khanā eina shākhui khavai Prohona nathumli mamiranga.

TITUS 3:5

ithumli ana huimi. Ithumna khamashung khangarong ot kasāwui vang maningmana; kha awui lukhamashan mangā eina pheomihaida Manglā Katharana pharā khangasak mirin kadhar chi ithumli thada mi.

JAMES 3:17

Kha atungshongwui eina kharā thangkhamei chili rimeikapta kathar, chiwui thili chingrihaikapai, tākui kahai, mayā khangarok, lukhamashana kapem kala kaphā atheimānga, phākakhaning kala ningmakathar maleimana.

1 PETER 1:3

Ithumna Proho Jishu Khristawui Avāva̱ Vare chili ningkashi misa! Khikhalajila Jishu Khristali kathiwui eina ringlui khangasak mangā eina ithumli awui hakkhamahā leikashiwui alungli mirin kadhar mihaira. China ithumli kharing kachihān chipemmi.

1 JOHN 2:29

Khristava khamashungana da nathumna thei. Chiwui vang eina mashun ot kasā mi kachiva̱ Varewui naona da theiphalungra.

1 JOHN 3:9

Varewui nao ngasā kahai a china morei sālui sālui majimana, kaja Varewui asak-avāt chi awuili lei, kala Vare hi awui Avāva̱ sākahaiwui vang ana morei masāluimana.

1 JOHN 5:1

Jishu hi Messiahna da shitkasanga mi chi Varewui naona, kala Avāva̱li leikashe mi china Anaolila leishi.

1 JOHN 5:18

Varewui nao khipānakha morei sālui sālui majimana kaji ithumna thei, kaja Varewui Naomayarana ali yangmihaida makaphā china ali khikha masāthukmana.

1 JOHN 5:4

Khikhalajila Varewui nao kachiva̱na okathuili maishi ngasakshapa kala shitkasang mangā eina okathuili ithumna khayuina.

PHONGKHAMI 3:14

“Laodicea churchwui kazingraoli kapilu: “Amen kaho ningkatonga kala khamashunga shākhi, Varena sākahai ot saikorawui angayung chiwui paona.