JOHN 3:2 - Kathara Bible (BSI)

² Thangngayākha ana Jishuli rahānga. “Ojā, nava Varena chihokharā ojā akhana da ithumna thei. Sakahai machutbing hi Varena ngasokhami maningla khipānakha masārarmana.”

JOHN 3:2 Iomraidhean Croise

1 WUNGNAOBING 17:24

Preiva̱ china Elijahli hānga, “Na Varewui mina kaji ara ina theikhuihaira, kala nana Prohowui tui kahāng saikora khamashungna.”

ISAIAH 51:7

“Khangarong kathei nathum, ili nganālu, wuklungli iwui ain khalei mibing, miwui kakhararli mangacheealu, kala athumwui khamashātli ning masuitaalu.

JEREMIAH 38:16

Chieina awunga Zedekiahna ngathumda shākhi sāda hānga, “Ithumwui manglā sangkhame Prohowui ming singda kahāngna, ina nali masāthatlakmara, kala nawui manglā khuikida phākazata athumwui pānglila mahorsangmilakmara.”

MATTHEW 22:16

Chiwui thili athumwui sākhangatha̱bing eina Herodwui mibing kaikhali shivātlaga ahāng ngasaka, “Ojā, ithumna thei kaja na khamashungana, kala Varewui shongfa mashunglak eina tamchithei, kala kateina nali khinada khuilikhala kajiwui vang kakhanang maleilakmana, maramva miwui kharei kateoli nana khikha mayangmana.

MATTHEW 23:7

kala athumna leihngaphāpamli athumli khayāshilak eina shalam kasā kala ojā da kaho ningchānglaka.

MATTHEW 23:8

Kha nathumli ojā mahomara, khikhalajila nathumwui oja akha lei, kala nathum chinaongarāna.

MARK 12:14

Athumna ali rangahāna, “Ojā, na khamashunga kala mimai makhayanga mina da thei, kaja nava miwui shingamli mayangmana, kha mikumowui vang Varewui kaphaningwui mashun chi tamchithei. Caesarli khāshina khami hi ainka, maningmakhala?”

JOHN 1:38

Jishuna ngareiunga kala ani shurzatkasā chi theida hānga, “Khi phākazatkhala?” Anina ngahānkai, “Ojā, na kali pamkhala?”

JOHN 10:38

Kha ina iwui Avāwui ot sāda leilakha ili mashitsanglala iwui otsak chili shitsanglu. Chithākha iwui Avāna ili lei kala ina iwui Avāwuili lei kaji nathumna theishingkhuipaira.”

JOHN 12:37

Jishuna machut kachungkha athumwui miktāli sahailala athumna ali mashitsangmana.

JOHN 14:10

I Avāwuili lei kala Avā iwuili lei kaji hi mashitsangmala? Ina khamatui hi iwui eina kashok maningmana, kha ili khalei Avāna kasā otsakna.

JOHN 15:24

Khangateina masālakrang kaja ot chi athumwui mangāli masāchitheisāsi kaja athum moreili tātunghaira kaji matheisāmara; kha ara athumna iwui otsak theilaga ilila iwui Avālila ningkachaihaira.

JOHN 2:11

Jishuna matakhak kahai sakhare chi Galileeli khalei Canali sai, apam chili awui tekhamatei ana phongshoka kala awui sākhangatha̱bingna ali shitsanga.

JOHN 20:16

Jishuna hānga, “Mary!” Chieina Maryna ngareiungda Hebrew tui eina “Rabboni!” ji. Hiwui kakhalatna “Ojā” kajina.

JOHN 3:26

Chieina athumna Johnli ahānga, “Ojā, Jordan kongwui zimikshovāk nali ngasokasā, nana awui maramli shākhi khamipā china hili ra̱hikmida leili, kala mi sorkhangasai awuili vāda lei.”

JOHN 4:31

Athum rāmahungda leilakha sākhangatha̱bingna Jishuli, “Ojā, phazākhuifalu” da hānga,

JOHN 5:36

Kha iwui vang ina khami shākhi china Johnna khami shākhili hakmei, kaja iwui Avāna sālu da mikahai ina sāda khalei ot hina ili iwui Avāna kashirātna kajiwui shākhina.

JOHN 6:2

Kakazānaobingli matakhak kahai otsak eina raimi kahai chi theida mi kachungkhana ali shurrai.

JOHN 7:31

Thālala yaruiwui ngachaili mi kachungkhana ali shitsanga kala athumna hānga, “Messiah kharā tharan mipā hina kasāli lāngmeida sāshaprala?”

JOHN 9:16

Pharisee kaikhana hānga, “Hi kasā mipa hi Varewui eina kharā maningmana, kaja ana Sabbath mamayonmana.” Khangatei kaikhana hānga, “Morei kaphunga mina kathada hiyākha hakkhamahā ot sāshaprakhala?” Hithada athumwui ngachaili ning kaikhangarok shokhaowa.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

OTSAK 2:22

“Isrealnaobing, tui hi nganāmilu, Nazarethwui Jishu hi Varewui ngasokhami mangā eina nathumwui ngachaili hakkhamahā otla, matakhak kahaila kala machutkakhui otla kasā nathumna theihaira.

PHILIPPINAO 1:14

Ina phātopli kazangwui vang avānao kachungkhali Proholi kachihān mataisang ngasaka. Chieina athumna khangachee maleila paokaphā hashok khavai thangkachida malung pingkhangai pinga.

WUNGVA̱-WUNGVĀ 6:27

Chieina Gideonna awui rao tharā hokhuilaga Prohona kakaso chi tākam eina sai; kha ashili, kala keinung chiwui yaruili ngacheenahaida ngashun masālengmada ana ngayāshong sai.