JOHN 2:1 - Kathara Bible (BSI)

¹ Kakathumathang Galileeli khalei keinung Canali ngalā shakazā akha leisai, kala Jishuwui ava̱la chili leisai.

JOHN 2:1 Iomraidhean Croise

CHĀNSAM 18:22

Preiva̱ samkaphanga chi kaphā ot samphanga, kala Prohowui eina ngahānkhangai samkaphangna.

CHĀNSAM 19:14

Shimlui kala lan avāva̱ ngarāwui eina samphanga, kha thangkhamei preiva̱̱ Prohowui einana.

MATTHEW 12:46

Jishuna mibingli tamchitheimahunglakha, yanglu, awui ava̱ eina achināngarā ayārli rānganingda ali chān ngahānngaida rāngathinga.

JOHN 1:29

Akhama kathā Jishu rākharā theida Johnna hānga, “Yanglu, okathuiwui morei khuithuikhame Varewui Yaonao!

JOHN 1:35

Akhama kathā Johnna awui sākhangatha̱ khanili ngasoda chili nganingsai,

JOHN 1:43

Akhama kathā Jishuna Galileeli vākhavai ngarāna, kala ana Philipli samphangda hānga, “Ithi shurlu.”

JOHN 2:11

Jishuna matakhak kahai sakhare chi Galileeli khalei Canali sai, apam chili awui tekhamatei ana phongshoka kala awui sākhangatha̱bingna ali shitsanga.

JOHN 21:2

Chili Simon Peter, Ngashirra kaho Thomas, Galileewui Cana eina kharā Nathana-el, Zebedeewui naomayara khani kala Jishuwui sākhangatha̱ khangatei khani da kazipsai.

JOHN 4:46

Chiwui thili Jishuna Galileeli khalei Cana, tara̱ eina drakhāra̱ onkhangasakpam chili latunga. Chitharan Capernaumli akhavā akhawui nao kazāda leisai.

HEBREWNAO 13:4

Shakazā ot hi khayākakā otna, shakazā pet mamakhao ngasakalu. Varena khamathang-khamarangbingli kala phokaphābingli bichar sāra.

JOSHUA 19:28

Ebron, Rehob, Hammon, Kanah, kala Khareiya Sidon tāshunga.