JOHN 17:3 - Kathara Bible (BSI)

³ Katang makhavai kharing kaji hi akhamāng kaje khamashunga Vareli kala nana kashirāta Jishu Khristali mikumona kathei hina.

JOHN 17:3 Iomraidhean Croise

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

2 THOTRINCHĀN 15:3

Atam kasāngkhawui vang Israelna khamashunga Vare mavaila leisai, tamchitheimi khavai pāngmonla, ainla maleisāmana;

LAA 9:10

Kala nawui ming kathei athum china nali ning horsanga, kaja O Proho, nali kaphā athumli nana mahorhaimana.

CHĀNSAM 8:35

Kaja ili samkaphang china kharing samphanga, kala Prohowui eina ngahānkhangai samphanga;

ISAIAH 48:16

li rānganaida hi nganālu, haokaphok eina thuida ina ngathumda mamatuiranga, chi rākashok atamwui eina thuida I chili leihairasai.” Ara Proho VAREna awui manglā ili chihorāhaira.

ISAIAH 53:11

Amanglāna kachotwui heithei chi theida ningyāng ungra; iwui khangaronga raona awui awor eina, kachungkhali khamashungli shānsangra; kala athumwui khayonkhamāng ana phungmira.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

JEREMIAH 10:10

Kha Proho chi khamashunga Varelaka; a kharinga Varena kala makashimāna Awungana. A malungkathui tharan okathui nganuka, kala awui malungkhavāt chi yurbing maphungrarmana.

HOSEA 6:3

Ithum theisa kaja, Proholi theikhavai sakchangda hotnāsa; ana sāki kaji chi kazing kathang thāda makahatlakmana; ana ithumli zngrot thāda rāra, ngaleili ikkhami zingrot thāda.”

MARK 9:37

“Kachikathāna imingwui vang hikathā naoshinaoli khuikasang chi ili khuikasangna; ili khuikasang chi imāngli maningla ili kashirāta alila khuikasangna.”

LUKE 9:48

kala athumli hānga, “Hikathā naoshinaoli iwui mingwui vang khuikasanga china ili khuikasangna kala ili khuikasanga china ili kashirata ali khuikasangna; kaja nathum saikorawui ngachaili teomeikap kaje china reimeikapa.”

JOHN 10:36

Ili Varena kapangkhuilaga chihokharāna. Chithākha I Varewui Naomayarana da kahāng hili Vareli kachipat khi leikhala?

JOHN 11:42

Nana ili shāmichinga da thei, kha hili khaleibingna nana ili kashirātna kaji shitsang khavai kahāngna.”

JOHN 14:26

Iwui ming eina Avāna shirātki kaje Manglā Kathara, Machinme china ot saikora nathumli tamchitheira, kala ina hāngkahai saikora phaningung ngasakra.

JOHN 17:18

Nana okathui hili ili kashirāt thada, athumli ina okathuili kashivātna.

JOHN 17:21

chiya athum akha sāpaira; Avā, nana iwuili, kala ina nawuili khalei thada, athum iniwuili leiranu, chithākha apuk-apagva̱na nana ili kashirātna kaji shitsangra.

JOHN 17:23

ina athumli kala nana ili leida athum tongtingda akha sapaira, chieina nana ili kashirātna kala nana ili leikashi thada athumlila leishiya kaji apuk-apagva̱na theira.

JOHN 17:25

He, khamashung khangaronga Avā, apuk-apagana nali matheiranga, kha ina nali theihaira, kala china, nana ili kashirātna kaji thei.

JOHN 17:8

khikhalajila nana ili khami paokaphā chi ina athumli mida athumna samphanghaira. Chieina I nawui eina rai kaji hi mashunga da athumna theihaira, kala nana ili kashirātna kaji athumna shitsanghaira.

JOHN 3:17

Okathuili bichar sākhavai Varena Anaomayarali chihokharā maningmana, kha awui mangā eina apuk-apaga hi huikhui khavaina.

JOHN 3:34

Varena kashivāta a china Varewui tui matui kaja Varena Manglā chi khavāt maleila ali mi.

JOHN 5:44

Nathum akha eina akha sochikat khangarok ningchānga, kha Varewui kaso chi samphang khavai maphāmana. Chithākha nathumna kathada shitsangpairakhala?

JOHN 6:57

Ili kharinga Avāva̱na kashirātna kala awui vang I kharingna. Chithada sāda iwui asā kashaia chi iwui vang eina ringa.

JOHN 7:29

Kha iya ali thei, kaja I awui eina kharāna kala ana ili kashirātna.”

JOHN 8:19

Chieina athumna, “Nashavā kachili leikhala?” da ngahāna. Jishuna ngahānkai, “Nathumna ilila iwui Avālila matheimana, ili nathumna theisi kaja iwui Avālila theihairasaki kajina.”

1 CORINTHNAO 15:34

Mashun phākhuida morei masāluialu. Nathum kaikhana Vareli makatheiwui vang khayakvairanu da kahāngna.

1 CORINTHNAO 8:4

Chithada sāda meoma̱li pha̱kahai kashakazāwui pongli hithada ngahānkāngai; ithumna thei kaja meoma̱ hiya kachangkhat khalei otwui amahā maningmana; kala Vare akhamanga katei maleiluimana da ithumna thei.

2 CORINTHNAO 4:6

“Tangkhamangwui eina kahor shokranu” da kahānga Vare china Khristawui maili Varewui tekhamateiwui kahor chi theikhui khavai ithumwui wuklungli hormihaira.

PHILIPPINAO 3:10

Ina ningkachāng chiya Khristali kathei, awui ringkhalui pangshap mazapkhayang, awui kachotkachāng phungkhangarum kala awui kathi thada kathi,

PHILIPPINAO 3:8

Chimāng maningmana; iwui Proho Khrista Jishuli theikakhuiwui aman kasak chiwui vang eina ot saikora aremana da shānkhui. Awui vang eina ina ot saikora horhaira; chibing chi khamakhaowa thothap kathana da ina khuiya, chithākha ina Khrista chi samphangpai

1 THESSALONICANAO 1:9

Ithumna kharā tharan nathumna ithumli samkhangarok kala meoma̱ horhaida khamashung kala kharinga Vareli kathada otram ngatha̱haokhala kaji mi saikorana ngazeksera.

2 THESSALONICANAO 1:8

Vareli makhuikasangbing kala ithumwui Proho Jishu Khristawui paokaphāli makhanganābingli tandi mira.

HEBREWNAO 3:1

Varena hokhui kahai kathara ivānaobing, ithumna hāngkaphata paokazata kala pāngmon kharei Jishuli phaninglu.

2 PETER 1:2

Vare kala ithumwui Proho Jishuli kathei mangā eina lukhamashan kala chingri kahai nathumli pemtinghairanu.

2 PETER 1:3

Ithumli awui phākhamataia tekhamatei samphangrum khavai kahoa chili katheiwui vang Varewui tharkhamatheng pangshap china ithumwui mirin kala dharmarinli ringkhavai darkar kasā saikora ithumli mihaira.

2 PETER 1:8

Magunbing hi nathumwui ngasā ngasakta mataisang ngasakakha, ithumwui Proho Jishu Khristali theishingkakhuiwui khamashung chi makankhanā kala athei makhamathei mangasālakmara.

1 JOHN 1:2

Kharing kaho chi azak eina theipai kahai tharan ithumna mik eina thei, chiwui vang eina Avāva̱li ngasoda khalei kala ithumli chitheimi kahai makashimān kharingwui pongli nathumli matuida kahāngna.

1 JOHN 1:3

Ithumna theikahai kala shākahai chi nathumlila hāngkachitheina. Chieina ithumna Avāva̱ kala Anaomayara Jishu Khristali ngarumsak khalei chili nathumla ithumli ngasoda zangpaira.

1 JOHN 2:23

Anaomayarali makhamayā mi chi Avāva̱lila mamayāmana. Anaomayarali khamayā chi Avāva̱lila mayai.

1 JOHN 4:6

Ithumva Varewuina, Vareli theikahaibingna ithumwui tui khuisanga; kha Varewui mi makhaningbingna makhuisangmana. Hithada sāda khamashung manglā eina makhamashung manglāwui khangatei theishapa.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.