JOHN 16:3 - Kathara Bible (BSI)

³ Athumna Avālila ilila makatheiwui vang chikathā ot sāra.

JOHN 16:3 Iomraidhean Croise

LUKE 10:22

“Ot saikora iwui Avāna ili horsangmihaira, kala Anaomayara hi khipākhala da Avā maningla khipānakha matheimana; kala Avāva̱ hi khipākhala da Anaomayara maningla khipānakha matheimana, kala Anaomayarana kachikathāli kapangkhuida chitheikhami maningla khipānakha matheimana.”

JOHN 15:21

Kha iwui vang eina athumna nathumli saikora hi sāra, kachiwui vangkhala kaja athumna ili kashirāta chili matheimana.

JOHN 15:23

Ili ningkakachaiya china iwui Avālila ningkachai.

JOHN 17:25

He, khamashung khangaronga Avā, apuk-apagana nali matheiranga, kha ina nali theihaira, kala china, nana ili kashirātna kaji thei.

JOHN 17:3

Katang makhavai kharing kaji hi akhamāng kaje khamashunga Vareli kala nana kashirāta Jishu Khristali mikumona kathei hina.

JOHN 8:19

Chieina athumna, “Nashavā kachili leikhala?” da ngahāna. Jishuna ngahānkai, “Nathumna ilila iwui Avālila matheimana, ili nathumna theisi kaja iwui Avālila theihairasaki kajina.”

JOHN 8:55

Nathum ali matheilakranga, iya theihaira. Ina theihailaga matheimana jisi kaja ila nathum thada kakapikana. Kha iya ali thei kala awui kahāng nganai.

OTSAK 3:17

“Ara, ivānaobing, nathumwui kathānabingna sākahai thada, nathumnala matheimada sāhaira da ina thei.

1 CORINTHNAO 2:8

Hi apuk-apaka khamungabing khipānakha matheimana; athumna theisāsi kaja tekhamateiwui Proho chili masāthatmara.

2 THESSALONICANAO 1:8

Vareli makhuikasangbing kala ithumwui Proho Jishu Khristawui paokaphāli makhanganābingli tandi mira.

1 TIMOTHY 1:13

khareli ina ali mashāta, rekhareka, kala chipata. Kha Varena ili lumashanmi kaja I mashitsangmana, chieina ina kasā chi I matheisamana.

1 JOHN 2:23

Anaomayarali makhamayā mi chi Avāva̱lila mamayāmana. Anaomayarali khamayā chi Avāva̱lila mayai.

1 JOHN 3:1

Ithumli Varivarawui nao da homida Avāva̱na kayākha leishimihairakhala kaji yanglu; awui nao ngasā kachanghaira; okathuina ithumli makatheiva athumna Varivarali makatheiwui vangna.

1 JOHN 4:8

Maleishikatha a chiya Vareli matheimana; kaja Vare hi leikashena.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.