JOHN 13:4 - Kathara Bible (BSI)

⁴ ana phazātwui eina ngakarthuida, awui kachon raitāhailaga towel akha kashānli neikhui.

JOHN 13:4 Iomraidhean Croise

2 WUNGNAOBING 3:11

Jehoshaphatna hānga, “Proholi ngasankhuipai khavai hili Prohowui marān khipākha maleimala?” Israel awungawui raimi akhana hānga, “Elijahwui pāngli tara̱ heisangkhame, Shaphatwui nao Elisha leida lei.”

LUKE 12:37

Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira.

LUKE 17:7

“Nathumwui ngachaili khipāna rao akha ngavālaga ana luili vālaga lah yao ahomlaga shimli hankhaung eina ‘thākta ungphāzaulu’ da hangra?

LUKE 17:8

Chiwui mahutle nana ‘Iwui zākhavai ngarānlu kala sāri shaksākharikkhuida ina maphāshak maphazākhuiranglakha eina tangda otram ngatha̱lu kala chiwui thili nana phāshak phazāpaira’ da mahangmarala?

LUKE 22:27

Kaja phazatpamli kapampā eina ngatha̱khame khani chiwui ngachaili kachipana hakmeikhala? Phazatpamli kapamapā china reikhamei maningmala? Kha ina nathumwui ngachaili otram ngatha̱khame chi ngasāda lei.

JOHN 13:12

Jishuna athumwui phei pheomihailaga awui kachon ngavaikhuida pamluishita, kala “Ina arui nathumli sākhami hiwui kakhalat theila?” da ngahāna.

2 CORINTHNAO 8:9

Proho Jishu Khristawui lukhamashan nathumna thei; kaja ana shānglaklala nathumwui vang eina chāmhaowa; awui kachām chi eina nathum shāngkhavaina.

1 JOHN 3:11

Akha eina akha leishi ngarokphalungra kaji hi nathumna haokaphokwui eina shākahaina.