JOHN 13:3 - Kathara Bible (BSI)

³ Jishuna, Avāva̱na ot saikora awui pāngli horsangmihaira, kala a Varewui eina kharāna kala Varewuili vāluihaora kaji theida,

JOHN 13:3 Iomraidhean Croise

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

LUKE 10:22

“Ot saikora iwui Avāna ili horsangmihaira, kala Anaomayara hi khipākhala da Avā maningla khipānakha matheimana; kala Avāva̱ hi khipākhala da Anaomayara maningla khipānakha matheimana, kala Anaomayarana kachikathāli kapangkhuida chitheikhami maningla khipānakha matheimana.”

JOHN 1:18

Khipānakha Vareli matheilakranga; Avāva̱wui makāli khalei Naoho-naotongmāngna ali theingasaka.

JOHN 13:1

Makānkhami phanit sākida thangkha vātlakha, Jishuna apuk-apagva̱li pākhailaga Avāva̱wuili vāki kaji atam rāhaira kaji kathei tharan, apuk-apagva̱li khalei mibingli leishihaoda, khanao eina tangdala ana leishi.

JOHN 17:2

khikhalajila nana mikahai mikumo saikorali katang makhavai kharing mikhavai nana ali pangshap mihaira.

JOHN 3:13

Kazingramwui eina katā miwui Naomayara chi maningla khipākha kazingram kākahai maleimana.”

JOHN 3:35

Avāva̱na Anaomayarali leishiya kala ot saikora awui pāngli horsangmi kahaina.

JOHN 7:29

Kha iya ali thei, kaja I awui eina kharāna kala ana ili kashirātna.”

JOHN 7:33

Chieina Jishuna hānga, “Ina nathumli kasha̱nakhawui vang ngasopamra, chiwui thili ili kashirātawui ngalemli vahaora.

JOHN 8:14

Jishuna ngahānkai, “Ina khalattawui shākhi milala iwui shākhi hi khamashungana, kachiwui vangkhala kaja I kachi eina rākhala kala kachili vāra̱khala kaji ina thei. Kha nathum I rākhavaila, vākhavaila matheimana.

JOHN 8:42

Jishuna athumli hānga, “Vare hi nathumwui Avāva̱na jisi kaja ili leishiki kajina, kaja I Varewui eina kharāna, kala I hili leili. I khalatta marāmana. Varena chihokharāna.

OTSAK 2:36

“Chiwui vang eina, nathumna krushli shaothat kahaia Jishu hili Varena Prohola, Khristala sāngasakhaira kaji hi Isrealnao saikorana theikazazakhairanu.”

1 CORINTHNAO 15:27

Hithada kapihaida lei, “Varena ot saikora awui pheizingli haimihaira.” Kha “Ot saikora awui pheizingli haimihaira” kaji hili Vare mazangmana kaji hi tharlak eina thei.

HEBREWNAO 1:2

Kha khanaowa atam hiliva Naomayarali shichinda ithumli hāngmihaira. Apuk-apaga hi awui mangā eina sai kala ot saikora awui sāngasaka.