JOHN 12:3 - Kathara Bible (BSI)

³ Maryna aman kasaka nganamkaphā thao likli akha khuirāda Jishuwui pheili neomi, kala awui kuisam eina mitmi kala thao chiwui anganamna shim chi pemhaowa.

JOHN 12:3 Iomraidhean Croise

LAA 132:2

ana kathāda Proholi ngashithai, Jacobwui Pangshapa chili,

CHĀNSAM 27:16

sha̱nao chili kakhām chi masili kakhāmna, lah awui yapāng eina thao yonkakhui kathana.

SOLOMONWUI LAA 1:12

Awungana awui petli leilakha, iwui nardwui anganam kha̱shoka.

SOLOMONWUI LAA 1:3

nawui thao khaneo nganamphāshuna, naming thao heikashoklaka; chiwui vang ngalānaobingna nali leishi!

SOLOMONWUI LAA 4:10

Nawui leikashi teokha shimle! izarva̱, iwui khām kahaiva̱, drakhāra̱lila nawui leikashina shimmeikhāra, nawui thao nganamkaphā khangateili henmeikhāra!

LUKE 10:42

kha khavāt akha lei, Maryna awui eina makhuithuiki kaji chi kapangkhuihaira.”

LUKE 7:46

Nana ikuilila thao maneomimana, kha ana ipheili nganamkaphā thao neomi.

JOHN 11:2

Mary hi Prohowui pheili nganamkaphā thao neomilaga awui kuisam eina mitkhamiva̱ china. Kazākasā Lazarus hi apāna.

JOHN 11:28

Marthana hi hāngkahaiwui thili agatuiva̱ Maryli ngathumda hokhuilaga hānga, “Ojā hili leili, kala ana nali phāda lei.”

JOHN 11:32

Maryna Jishuli vākashung eina khuktizangda hānga, “Proho, na hili leisāsi kaja ipā mathilākmara.”

JOHN 19:39

Jishuli thangngayākha rasamkaphanga Nicodemusla myrrh eina aloes khamanāta nganamkaphā thao pound shākha sha̱kha khuiphungda Josephli ngasovai.