JOHN 12:2 - Kathara Bible (BSI)

² Chili athumna Jishuwui ngazin phāzat ngarānhaisai, kala Marthana otram ngatha̱mida Lazarusna Jishuli ngasoda tableli pama.

JOHN 12:2 Iomraidhean Croise

SOLOMONWUI LAA 4:16

O atungwui masi, thuilu, O azingwui masi, phanrālu! Iwui yāmguili phanda, anganam ngayaoranu. Athei mathāmeikap kaji chi iwui leikashena rāphāshairanu.

MATTHEW 26:6

Jishu Bethanyli phārrei kakazā Simonwui shimli leilakha,

MARK 14:3

Jishuna Bethanyli phārrei kakazā Simonwui shimli phazāda leilakha, sha̱nao akhana aman kasaka nard thao kachara ngalunghamnao akhali sangda khuirai kala hamnao chi ana sākhailaga thao chi Jishuwui akuili heirorra.

LUKE 12:37

Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira.

LUKE 14:12

Chiwui thili Jishuna shimva̱ chilila hānga, “Nana ngathor phazātli nilala, ngazin phazātli nilala, phāchizātka jiakha nawui ngasotnaobingli nilala, nachināngarāli nilala, athei-asābingli nilala, kashānga khongnainaobingli nilala mahoalu, kaja athumnala nali hokhuida nana sāmi kahai chi runhaipai.

LUKE 22:27

Kaja phazatpamli kapampā eina ngatha̱khame khani chiwui ngachaili kachipana hakmeikhala? Phazatpamli kapamapā china reikhamei maningmala? Kha ina nathumwui ngachaili otram ngatha̱khame chi ngasāda lei.

LUKE 5:29

Chiwui thili Levina ashi shimli Jishuwui vang zātkhān kahaka akha sai; phazāt chili khāshinā khalokabing kala khangatateibingla zangda mi kachungkha kazipa.

PHONGKHAMI 3:20

Yanglu ina khāmongli nganingda shaoda lei, kachikathāna iwui khon shāda khāmong shomiakha ina ali zangra kala ina ali kala ana ili phazārumra.