JOHN 11:4 - Kathara Bible (BSI)

⁴ Jishuna pao chi kashā eina hānga, “He thitchangki kajiwui kazāt maningmana, kha Vareli tekmatei khavaiwui vangna, chieina Varewui Naomayarana tekhamatei samphang khavaiwui apongna.”

JOHN 11:4 Iomraidhean Croise

SHONGZĀ 16:7

kala ngathorshong nathumna Prohowui tekhamatei chi theira, kaja nathumna Proholi kharopta khamatui ana shāhaira. Kaja ini khinida nathumna iniwuitungli kharopkhala?”

JOHN 10:38

Kha ina iwui Avāwui ot sāda leilakha ili mashitsanglala iwui otsak chili shitsanglu. Chithākha iwui Avāna ili lei kala ina iwui Avāwuili lei kaji nathumna theishingkhuipaira.”

JOHN 11:40

Jishuna ali hānga, “Nana shitsangakha Varewui tekhamatei theira da ina mahāngmala?”

JOHN 12:28

Avā naming tekmateimeiranu.” Chieina kazingramwui eina akhon akha vaorai, “Ina tekmatei ngasakhaira, kala tekmatei ngasakluishitra.”

JOHN 17:1

Jishuna hi hāngkup kahaiwui thili kazingram yangkāda hānga, “Avā, atam chi rāhaira; Nanaomayarali tekmatei ngasakmilu, chieina Nanaomayarana nali tekmatei ngasakra,

JOHN 17:10

Iwui khalei saikora nawuina, kala nawui saikora iwuina kala iwui tekhamatei athumwui eina theingasakhaira.

JOHN 17:5

Chieina ara Avā, apuk-apagva̱̱ masāranglakha nali ngasoda ina tekhamatei eina leikasā chieina nawui mangāli ili tekmatei ngasakmilu.

JOHN 2:11

Jishuna matakhak kahai sakhare chi Galileeli khalei Canali sai, apam chili awui tekhamatei ana phongshoka kala awui sākhangatha̱bingna ali shitsanga.

JOHN 5:23

Chieina mi saikorana Avāva̱li khayākashi tākam eina Anaomayaralila khayāshira. Kachikathāna Anaomayarali khayāmashiakha ali kashirāta Avāva̱li khayāmakashina.

JOHN 8:54

Jishuna ngahānkai, “Ina khalattali tekmatei ngasakta leiakha, iwui tekhamatei chi khikha maningmana; ili tekmatei khangasak chi nathumna nathumwui Varelaka da kahānga a chilaka.

JOHN 9:24

Athumna mik ngapeoda kapharā mi chili kakhane holuishitta hānga, “Vareli masot milu. Mipa chi morei kaphunga mina da ithumna thei.”

JOHN 9:3

Jishuna ngahānkai, “Awui mik khangapeo chi awui moreiwui vang maningmana, ava̱ avāwui moreiwui vangla maningmana. Kha Varewui pangshap awui eina theingasak khavaina.

ROMNAO 11:11

Chieina ina ngahāna, athum phei ngaphokta kongluihaola? Maningphutmana! Athumna morei sāhaoda Jihudibingli mik mathak ngasak khavai huikhami chi Gentilebingli mihaowa.

PHILIPPINAO 1:11

Vareli tekmatei khavai kala masochikat khavai, Khrista Jishumāngna mikashap kaphā magunbing chi nathumwui mirinli pemtinghaora.

PHILIPPINAO 1:20

Thilala, ringlala, atam kachida, mataimeikapta aruihon malungkaping eina I khalatta chikatchaohailaga Khrista maiyā khavai kasāli ina machihohailakmara kaji hi iwui ningkachāngna.

1 PETER 1:21

Awui mangā eina nathumna Vareli shitsanga. Ali Varena kathiwui eina khangmathotta tekhamatei chi mi; chieina nathumwui shitkasang kala kachihān chi Vareli lei.

1 PETER 4:11

Pao hākashoka a china Varewui pao hāshokphalungra; otram ngatha̱mena Varena ali mikahai pangshap chieina ngatha̱phalungra. Chithada sāda katang makhavai tekhamatei Khristawui mangā eina Vareli masot mipaira. Amen.

1 PETER 4:14

Khristawui thi kashurwui vang mina zeiakha nathum ringphālu; hiwui kakhalata tekhamatei manglā, Varewui Manglā chi nathumwui lungli lei.