JOHN 10:3 - Kathara Bible (BSI)

³ Ngavei khamayonana ali shomi; yaobingna awui akhon shai, kala yaobingli kachichāwui aming eina hoda thānshoka.

JOHN 10:3 Iomraidhean Croise

LAA 80:1

O Israelli Homkhame, khanganāmilu, Josephli yao thāda homkhame! Cherubimtungli kapama na, horshoklu

SHONGZĀ 33:17

Kala Prohona Mosesli hānga, “Aja na iwui mikyanli ngahānkhangaiwui vang kala nali ina aming eina katheiwui vang; nana hāngkahai tui hi tāzakta ina sāra.”

CHĀNSAM 27:23

Nawui seihom theikazazakta nawui yao ashangva̱li yangpamlu;

SOLOMONWUI LAA 8:13

O yāmguili kapamana, iwui ngasotnaobingna nakhon nganāli; ili kashāngasakmilu.

ISAIAH 40:11

Yaokahoma thāda ana yaobingli mizāra; yaonaobing apāngli kazipkhuira; awui makāli vamzatra; kala anao khangathāna ava̱bingli ngaironda homzatra.

ISAIAH 42:16

Kala ina mik khangapeoali athumna makathei apong eina, athumna matheilak kaja shongfali thānzatra. Ina athumwui mangāli tangkhamang chi horngasakra, kokataropam ashāt sāngasakra, saikora hi ina sāserra, ina athumli mahorhailakmara.

JOHN 10:14

I kaphā yaokahomana; ina iwui yaobingli thei kala iwui yaobingnala ili thei,

JOHN 10:16

Yaoshang hili makazang yao khangateila lei. Ina athumlila houngphalungra, kala athumna iwui akhon shāra. Chieina yaoshang akhamāngra, yaokahomala akhamāngra.

JOHN 10:4

Ana homshokserhailaga athumwui mangali thānzata kala yaobingna awui thi shurra, kaja athumna awui akhon machuta.

JOHN 10:9

I khamongna; kachikathāna iwui eina zangakha ali huimira, kala shok-zangda wonnui samphangra.

JOHN 6:37

Avāna ili khamibing saikora china ili rāra, kala ili kharā mi chili ina mahorhaimara.

JOHN 6:45

Marānbingna hithada kapihaida lei: ‘Athum saikorali Varena tamchitheira.’ Avāva̱li nganāsangda awui eina tamkakhuia mi kachiva̱ iwuili rai.

ROMNAO 8:30

Chithada sāda Varena kapangkhui kahaibing chili hokhui kala hokakhuibing chili ana mashungmi, kala athumli awui tekhamatei samphangrum ngasaka.

1 CORINTHNAO 16:9

Hili ili khangasunga mi kachungkha leilala khamathā ot sapai khavai khamong mashālak eina shomihaira.

PHILIPPINAO 4:3

Ili ningtongda otsakruma nathumla sha̱nao khani hili khangachonmilu da poli. Khikhalajila ani khani hi pao hākashokli, Varewui kharinga lairikli aming yikahai Clement inili ngasoda panglāk eina ot sārumsai.

COLOSSIANAO 4:3

Nathumna seihā kasā tharan Khristawui kathuka ngathum kahai chānpao hāshok khavai Varena atam kachā khuirāmi khavai pomilu, kaja hiwui vang I phātop zangda khaleina.

2 TIMOTHY 2:19

Kha Varewui khangazipa shimphunga chi mangachei ngasakrarmana, kala chiwuitungli hithada kapihaida lei: “Prohona awui mibingli thei kala Prohowui mina kajibing chi makhamashungwui eina latungphalungra.”

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

1 JOHN 4:6

Ithumva Varewuina, Vareli theikahaibingna ithumwui tui khuisanga; kha Varewui mi makhaningbingna makhuisangmana. Hithada sāda khamashung manglā eina makhamashung manglāwui khangatei theishapa.

3 JOHN 1:14

Thakta rāsamphang khavai chihānda lei, chitharan mashā eina ngazeknaosa.

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 3:20

Yanglu ina khāmongli nganingda shaoda lei, kachikathāna iwui khon shāda khāmong shomiakha ina ali zangra kala ina ali kala ana ili phazārumra.

PHONGKHAMI 7:17

khikhalajila wungpamkhong alungthungli kapama Yaonao china athumli hommida kharinga tara̱ khawur ura̱pamli thanvāmira; kala Varena athumwui mikwui chara̱ mitmisera.”