JOHN 1:9 - Kathara Bible (BSI)

⁹ Mi kachiva̱li horkhangasaka khamashunga kahor chi okathuili rākhamina.

JOHN 1:9 Iomraidhean Croise

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 8:20

Tamkachithei kala shākhili yanglu! Athumna matuida khalei tui chili zingthan maleimana.

MATTHEW 6:23

kha namik mamathingakha naphasā katonga tangmangtinghaora. Chieina nawuili khalei kahor chi tangmanghaiakha, tangkhamang chi kayākha hakmahākhala!

LUKE 11:36

Naphasā tongtingda tangkhamang maleilakla kahorna pemtinghaiakha thaohmeiwui kahorna horrorkhami thada horchamrihaora.”

JOHN 1:4

Awuili kharing leisai, kala kharing chi mikumowui kahorna.

JOHN 1:7

Saikorana awui manga eina shitsang khavai kahor chiwui shākhi samikida a kharāna.

JOHN 12:46

Ina apuk-apagva̱li kharā hi kahor thada kharāna, chi eina ili shitkasanga mi kachiva̱ tangkhamangli maleimara.

JOHN 14:6

Jishuna ngahānkai, “I shongfana, khamashungana, kala kharingana; iwui eina maningla Avāva̱wuili khipākha marāpaimana.

JOHN 15:1

“I akachanga drakhārong china kala iwui Avāna drakhārong sākhamathaana.

JOHN 6:32

Jishuna hānga, “Kachangkhat eina ina nathumli kahāngna, nathumli kazingramwui khamui khame chi Moses maningmana, kha iwui Avāna kazingramwui eina khamina.

JOHN 7:12

Mibingna Jishuwui pongli ngazek ngaroka; kaikhana “A kaphā mina” ji, kala kaikhana “Mibingli ana thannguihaira” da hānga.

1 JOHN 1:8

Ithumna ithum morei maphungmana jiakha ithum khalatta mikhanamna, kala ithumwui alungli khamashung maleimana.

1 JOHN 2:8

Chithālala ina nathumli kadhara kakaso khamina. Hiwui khamashung hi Khristawuili lei kala nathumwuili lei. Kaja tangkhamang kānthuimamānhaida kachangkhatwui kahor shokpinghaira.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.