JOHN 1:41 - Kathara Bible (BSI)

⁴¹ Ana hengsāda ama Simonli samphangda hānga, “Ithum Messiahli samphanghaira.” (Tui hiwui kakhalatva Khrista kajina).

JOHN 1:41 Iomraidhean Croise

2 WUNGNAOBING 7:9

Chiwui thili athum akha eina akha hāngngaroka, “Ithumna kasā hi mamashungthura. Aja hi ringkaphā chānpao samkaphangwui zimikshona; ithumna kasaikha pamda kazing kathang eina tangda ngaraipamakha ithumwuitungli tandi tāhaora; chiwui vang eina ralu ithumna awungashiwui shimkhurli ahānghaosa.”

LAA 2:2

Okathuiwui awungabingna athum khalatta chipama, kala ngalei khamungbingna tui ruma, Proho eina awui thao neomi kahaiali mamayāla hānga,

LAA 45:7

khamashungli nana leishi kala makaphāli yangkharinga. Chiwui vang eina Vare, nawui Varena nali khamathānwui thao chi ngasotnaobingli lāngmeida nali neomihaira,

LAA 89:20

Iwui rao Davidli ina phākhuihaira, iwui kathara thao eina ina ali neomihaira;

ISAIAH 11:2

Kala Prohowui Manglāna awuitungli ngasāmra, manglā chi thangkhamei eina theishingkakhuiwui manglāna; machinkhami eina pangshapwui manglāna, awor eina Proholi khangacheewui manglāna.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

MATTHEW 1:23

“Yanglu, mafakathui sha̱nao akhana nao vaida mayarnao akha pharāra, kala awui ming Emmanuel phokra” (hiwui kakhalata Varena ithumli ngasomi) kajina.

LUKE 2:17

Athumna nao chi kathei eina kazingraona angangnao chiwui maramli hāngmi kahai chi hāngchithei.

LUKE 2:38

Ana atam chichangli khorumshimli kāda Vareli ningkashi mi kala Jerusalemli ngatangkhami honda khalei saikorali nao chiwui pongli hāngchithei.

JOHN 1:45

Philipna Nathana-elli samphangda hānga. “Moseswui ainli kapi kahai kala marānbingnala kapi kahai mipa, Josephwui naomayara, Nazarethwui Jishu chili ithum samphanghaira.”

JOHN 4:25

Sha̱nao china hānga, “Messiah (Khristala kaho) chi rāra da ina thei. Ana kharā tharan ot saikora ithumli ana hāngchitheira.”

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

OTSAK 4:27

Kaja nana thao neomi kahai nawui rao kathara Jishuli yuishida, Herod eina Pontius Pilatena Gentilebing eina Isrealnaobingli ngasoda keinung hili kazip kachangkhata;

1 JOHN 1:3

Ithumna theikahai kala shākahai chi nathumlila hāngkachitheina. Chieina ithumna Avāva̱ kala Anaomayara Jishu Khristali ngarumsak khalei chili nathumla ithumli ngasoda zangpaira.