JOHN 1:3 - Kathara Bible (BSI)

³ Ot saikora awui mangā eina kasāna kala sākahai saikora hi a mazangla kasā maleilakmana.

JOHN 1:3 Iomraidhean Croise

HAOKAPHOK 1:1

Haokaphokli Varena kazing eina ngalei sai.

HAOKAPHOK 1:26

Chiwui thili Varena hānga, “Ithumwui sakrin khuida ithumli ngaraikachā mi sākhuisa; kala shamadruli khalei khaihyur, kazingli yongkazata vānao, sha̱kei kala okathuiwui ngaleitungli ngarikazata saikorawuitungli athumna mungranu.”

LAA 102:25

Achālakhawui eina okathui khaning khavai nana sai, kala kazingrambingla napāngwui themsakna.

LAA 33:6

Prohowui tui eina kazingram sākhui, kala awui khaksui eina chili khalei ashangva̱ sākhui.

CHĀNSAM 8:30

I awui ngalemli leisai, ot sākatheia akha thāda; kala ina awui thangkachidawui ningyāngkhaunga sāsai, awui mangāli atam kachida mathānsai,

ISAIAH 45:12

Okathui ina sākhui, chiwuitungli mi sai; kazingrambing phayaikashok chi ipāngna, kala chili khalei saikora chili ina kasoda kashokna.

ISAIAH 45:18

Kaja kazingram kasaa, (A Varena!), okathuiwui maong semkhuilaga chi sākakhuia (ana chi sakai; ngapa̱khangapā kasā maningla, somkhavai semkakhuia!) Proho china hithada hānga: “I Proho china, katei maleimana.

JOHN 1:10

Tui chi okathuili leisai kala awui mangā eina okathui hi sakhuilala okathuina ali matheithuwa.

JOHN 1:2

Kharewui eina Tui chi Vareli ngasosai.

1 CORINTHNAO 8:6

ithumwui vanga saikora Kasā Akhava, Avāva̱ Varivara akhamānga kala awui vang ithum kharingna; kala Proho akhamānga, chiya Jishu Khristana, awui mangā eina ot saikora kasāsera kala awui mangā eina ithum kharingna.

EPHESIANAO 3:9

kala saikora kasā Varewuili thot-thot ngathumrā kahai matakhak kahai angarān chi mi saikorali chithei khavaiwui lukhamashan chi ili khamina;

HEBREWNAO 11:3

Shitkasang mangā eina ithumna theishingkhui kaja apuk-apagva̱̱ hi Varewui tui eina sākhui. Chieina theikapai otbing hi mik eina matheikhararra chiwui eina sākakhuina.

1 JOHN 5:1

Jishu hi Messiahna da shitkasanga mi chi Varewui naona, kala Avāva̱li leikashe mi china Anaolila leishi.

PHONGKHAMI 3:14

“Laodicea churchwui kazingraoli kapilu: “Amen kaho ningkatonga kala khamashunga shākhi, Varena sākahai ot saikorawui angayung chiwui paona.

PHONGKHAMI 4:11

“Ithumwui Proho Vare, tekhamatei, khayākakā pangshap samphangngayilaka, khikhalajila ot saikora nana sākhuisera, saikora nawui kaphaning eina shoksera kala sākhuisera.”