JOHN 1:10 - Kathara Bible (BSI)

¹⁰ Tui chi okathuili leisai kala awui mangā eina okathui hi sakhuilala okathuina ali matheithuwa.

JOHN 1:10 Iomraidhean Croise

HAOKAPHOK 16:13

Chiwui vang ana ali khangazeka Proho wui aming chi “Na Katheia Varena” da hoi, kaja ana hānga, “Ina Vareli imik eina theikachangkhathailaga ali theikahaiwui thilila I ringfa kajila?” da hānga.

HAOKAPHOK 17:1

Abram kum hangchikoda chiko kākashung tharān Prohona rāchitheida hānga, “I Sashap-pangshapa Varena; iwui mangāli zatlu, kala shāt makā ngasakalu.

HAOKAPHOK 18:33

Abrahamli ngazekkhui kahaiwui thili Prohona thuihaowa, kala Abrahamna awui apamli latunghaowa.

ISAIAH 53:3

Mibingna ali yangkharinga kala mamayāmana; wukkakhananga mi, sikafa thathei kahaia; mibingna mayangngaimada mai ngareithui kahai thāda, ali yangkharinga, kala ithumna ali machāpmimana.

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

JOHN 1:11

Ana awui ramli rai, kha awui mibingna ali makhuisangthuwa.

JOHN 1:18

Khipānakha Vareli matheilakranga; Avāva̱wui makāli khalei Naoho-naotongmāngna ali theingasaka.

JOHN 1:3

Ot saikora awui mangā eina kasāna kala sākahai saikora hi a mazangla kasā maleilakmana.

JOHN 1:5

Kahor china tangkhamangli horngasaka kala tangkhamangna chili mayuirarmana.

JOHN 17:25

He, khamashung khangaronga Avā, apuk-apagana nali matheiranga, kha ina nali theihaira, kala china, nana ili kashirātna kaji thei.

JOHN 5:17

Kha Jishuna ngahānkai, “Iwui Avā ot sāchingda lei, ila sāphalungra.”

OTSAK 14:17

Kha atam kachiva̱li kaphā sākhami china ā leichingda lei kaji shākhi mi; ana kazingramwui eina zingrotra̱ mida atam chālak eina athei samphang ngasaka; kashakazāla mida ningla ringkaphāna pemtinghai ngasaka.”

1 CORINTHNAO 1:21

Mikumona awui thangkhamei eina Vareli matheikhararwui vang mibingna mangkhama̱na da kakhuia ithumna hākashoka pao hili shitkasanga mibing chili Varena huimi.

1 CORINTHNAO 2:8

Hi apuk-apaka khamungabing khipānakha matheimana; athumna theisāsi kaja tekhamateiwui Proho chili masāthatmara.

1 CORINTHNAO 8:6

ithumwui vanga saikora Kasā Akhava, Avāva̱ Varivara akhamānga kala awui vang ithum kharingna; kala Proho akhamānga, chiya Jishu Khristana, awui mangā eina ot saikora kasāsera kala awui mangā eina ithum kharingna.

COLOSSIANAO 1:16

Khikhalajila kazingramlila, okathuilila, mik eina theikapaila, matheikapaila, manglāwui pangshapla, akhavābingla, khamunga-bingla, pangshap kasingabingla Varena ot saikora hi awui mangā eina kasāna. Varena haori-haorang hupva hi awui mangā eina sai kala awui vangsera,

HEBREWNAO 11:3

Shitkasang mangā eina ithumna theishingkhui kaja apuk-apagva̱̱ hi Varewui tui eina sākhui. Chieina theikapai otbing hi mik eina matheikhararra chiwui eina sākakhuina.

1 JOHN 3:1

Ithumli Varivarawui nao da homida Avāva̱na kayākha leishimihairakhala kaji yanglu; awui nao ngasā kachanghaira; okathuina ithumli makatheiva athumna Varivarali makatheiwui vangna.