JOEL 3:9 - Kathara Bible (BSI)

⁹ Miyur saikorawui alungli hi chishātlu: Rai sākhavai ngarānlu. Raili kapingabingli ning ngatha̱ ngasaklu; athum saikora rānganaiserlu.

JOEL 3:9 Iomraidhean Croise

LAA 96:10

Yurbingwui alungli, “Prohona munga! Mha, apuk-apaga sakāhaira, mangacheiluilakmara; ana yurbingli mashun eina bichar sāmira” da hānglu.

ISAIAH 34:1

Rānganailu, O yurbing; nganākhui khavai kala shākhui khavai O mibing, apuk-apagala, chiwui alungli khalei saikora shāserranu.

JEREMIAH 31:10

“O yurbing Prohowui tui nganālu, kala chi katātāva̱ ngayiphei vāshungda vaochitheilu; ‘Israelli chaiyāngmi kahaia china kazipkhuiluira; kala yaokahoma thāda ana awui yaobingli hommira’ da hānglu.

JEREMIAH 50:2

“Okathui yurbingwui alungli chishātta vaomalānlu, philān khāngkāda vaomalānlu: mathumhaila hānglu: ‘Babylon khuihaira, Belli maishi ngasakhaira, Merodachli wukkhanang ngasakhaira. Awui meoma̱bingli maishi ngasakhaira, awui meomabing wukkhananghaira.’”

JEREMIAH 51:11

Malā kharākhariklu! Chāngvei phungkhuilu! khikhalajila Babylonli sāshimānmi khavai khangarān pongli Medeswui awungabingwui ningli Prohona mathuk ngasakhaira. Kaja, Prohona athut khuira, athut kakhui chi Prohowui shimwui vangna.

JEREMIAH 51:27

“Ngaleitungli philān shunlu, miyurbingwui ngachaili talla̱ khonglu; ali rai ngarar khavai yurbingli khangarān sālu, ali ngasung khavai wungrambing hovālu, Ararat, Minni, Ashkenazli; ali ngasung khavai raithāna akha phāsanglu, mariktik kahai khaohli ngayāda siguibing khuirālu.

JEREMIAH 6:4

“Ali rai sākhavai ngarānlu; thuilu, ngashun angararsa!” “Ithum kalākashi, kaja kazing yinghaira, ngazin khaya̱la sāngsang mamānhaira!”

EZEKIEL 38:17

Proho VAREna hithāda hānga: Achalakha iwui mibingli ngarar khavai khuirāra da Israelwui marānbingna hāngkahai chi nala?”

EZEKIEL 38:7

Ngarānlu kala ngarānkazaklu, na kala nali kuimarānda kazip kahai ashangva̱, kala athumwui vang raikān sāmilu.

MICAH 3:5

Iwui mibingli thanngui kahaia marānbingwui pongli Prohona hithāda hānga, athumna zākhavai kateokha leiakha, “Mashithaosa” ji, kha athumwui khamorli khikha masangkhamebingli rai sāra jihaowa.

HAGGAI 2:7

kala yur saikora ina khanukra, chithāda sāda yur saikorawui lan chi rāzangra, kala ina shimhi tekhamatei eina chipemra, da saikorawui Prohona hānga.

ZECHARIAH 14:2

Kaja Jerusalemli rai sākhavai yur saikorali ina kazipkhuira, kala keinung chi khuithuihaida, shimla ngaponkhuira, sha̱naobingla sākhamāngmihaora; keinung tangkhai raikathāli vāhaora, kha taikahaibing chili keinungwui eina makatatmara.

ZECHARIAH 14:3

Chiwui thili rai sāthang khangarar thāda Prohona yurbingwuitungli ngarar khavai vāra.