JOEL 3:7 - Kathara Bible (BSI)

⁷ Kha ara nathumna yorsang kahaipam chiwui eina ina athumwui ning ngatha̱ ngasakta nathum khalattawuitungli athut khuira.

JOEL 3:7 Iomraidhean Croise

ESTHER 7:10

“Ali chili phāshi sahaolu” da awungana hānga. Chiwui vang Mordecaiwui vang sākahai tārong chili Hamanli phāshi sāhaowa. Chiwui thili awungawui malungkhavāt nemhaowa.

ISAIAH 11:12

Miyurbingwui vang machut khavai ana akha shokngasakra; Israelwui ngakhei kahaibing chili kazipkhuira, Judahwui ngapha̱yāng kahaibing chili kazipkhuira, okathui achikun matiwui eina.

ISAIAH 49:12

Yanglu, iwui mibing katāva̱wui eina rāra, atung kala zingtunshongwui eina, kala hibing Syenne lamwui eina rāra.”

ISAIAH 66:6

Nāshunglu! keinungwui khangawun! Khorumshimwui eina akhon akha! Yangkashibingli athut hāngsangkhami, Prohowui khon.

JEREMIAH 23:8

kha ‘Israel shimkhurwui ara̱-azābingli atungshongwui ngalei eina kala ana kashamvā kahai ngalei saikorawui eina thānkashoka Prohowui ming singda kahāngna’ da hāngra; chiwui thili athum khalattawui ngaleili pānra.”

JEREMIAH 30:10

“Chieina mangacheealu, O iwui rao Jacob, wukla makhananglu, O Israel, da Prohona hānga. Kaja yanglu, nathumli katāva̱wui eina kanmira, tuknar kahaipamwui eina nathumwui naongarāli ina huimira. Jacobna latungda chingri va̱ri eina ungpamra, kala khipānakha mangachee ngasakluimara.

JEREMIAH 30:16

Chiwui vang nali sākakazamali sāshimānra, nawui yuikashi saikora, athum kachiva̱li narkahaipamli khuithuihaora; nathumli yangkashebingli raonao sāngasakra; nathumli ngaponkathuibingli ngaponzāra, nathumli sāshai thāda kasābingli sāshai sāmira.

JEREMIAH 31:8

Yanglu, atung ngaleiwui eina, tāmeikap kaji okathuiwui apamwui eina, athumli ina kazipkhuira; athumwui alungli khangapeola katekla, nao khavai kala ra̱da khalei zangserda kachungkha khangaruma athumna hili latungra.

JEREMIAH 32:37

Yanglu, ina malungkhavāt, malungkakang kala ningkatheng eina kashamvā kahaipam kachiva̱wui eina ina athumli kazipkhuira; ina athumli apam hili khuiungluira, kala athumli chingri eina pānngasakra.

EZEKIEL 36:24

Kaja ina miyurbingwui eina, kala okathui apam kachiva̱wui eina kazipkhuida nathumwui ngaleili khuiungmira.

EZEKIEL 38:8

Atam kasāngkhawui thili nali mathotkhuira; kala zingkum kasāngkhawui thili chingri eina khalei, mashikachina Israelwui phungreibingli yur ngatateidawui eina rakapāna kala chiwui mibing saikorali nana rai sāda kashamshokra, kala chingri eina pānra.

JOEL 3:4

“O Tyre, Sidon kala Philistinewui ramrei saikorali khaleibing! Khikhakhawui vang nathumna ili athut kakhuila? Nathumna chithāra jiakha ina ngalāngda thaklāk eina athut khuida nathumwuitungli tāra.

ZECHARIAH 9:13

Kaja Judahli ina malā thāda hunhaira; Ephraimli chiwui malāthing sāngasakhaira. Ina nawui naomayarabingli khayitra, O Zion, nanao mayarabingwuitungli O Greece, kala nali raimi akhawui khutlai thāda singtitra.

MATTHEW 7:2

Kaja nathumna bichar kasā tākam eina nathumlila bichar sāra, kala nathumna kateili khān katamyākha nathumlila tamra.

2 THESSALONICANAO 1:6

Varena phāvaira kaji chi ana sāra, nathumli kachotkachāng khamibingli, ana kachotkachāng mira,

JAMES 2:13

Kaja bichar kasā tharan lumashanmi kahai makhaleia ā chili Varena malumashanmimara, kha bicharliva lukhamashana yui.

PHONGKHAMI 13:10

Tukhuiki kaje chili tukhuiphalungra. Raighai eina shātthatphalungki kaje chili mashoila raighai chieina shātthatphalungra. Hili ja̱mikatha kala ningkatonga Varewui mibingwui ot lei.

PHONGKHAMI 16:6

Mibingna katharabing eina marānbingwui ashee heitai. Chieina ara athumli ashee mangkhavai nana mihaira. Athumna samphangkhangayi chi samkaphangna.”

PHONGKHAMI 19:2

awui bichar mashungrik kahaina; shāmsāda okathui makhao khangasaka khayora akhavaiva̱li Varena bichar sāhaira. Varewui raobingwui ashee tākahai chiwui vang ali athut khuimihaira.”

WUNGVA̱-WUNGVĀ 1:7

Chieina Adoni-bezekna hānga, “Awunga hangshini kala athumwui pheiva̱ pangva̱bing katattāmiserhaida iwui table zingli zaneng ngamuizāsai; ina sākahai chi tākam eina Varena athut hāngsangmihaira”. Kala athumna ali Jerusalemli khuiunga, kala a chili thisanghaowa.

1 SAMUEL 15:33

Kala Samuelna hānga, “Nawui raighai eina preinaobingli nao malei khangasak thāda nava̱la nao manganaoranu” da hānga. Kala Gilgalli, Prohowui mangāli Samuelna Agagli yorsa̱sanghaida akha̱ sāmihaowa.