JOEL 3:4 - Kathara Bible (BSI)

⁴ “O Tyre, Sidon kala Philistinewui ramrei saikorali khaleibing! Khikhakhawui vang nathumna ili athut kakhuila? Nathumna chithāra jiakha ina ngalāngda thaklāk eina athut khuida nathumwuitungli tāra.

JOEL 3:4 Iomraidhean Croise

2 THOTRINCHĀN 21:16

Jehoramwuitungli malungvātkhavai, Ethiopiawui ngalemli khalei Philistianaobinglila, Arabnaobinglila Prohona ning ngatha̱ ngasaka;

ISAIAH 14:29

O Philistia, nathum saikora, nathumli ngaphit khavai lijei tekhaowa da mamathānlu; kaja phara̱wui angayung eina chaoshai shoka chiwui athei chiya khayonga phara̱ ngasāra.

ISAIAH 34:8

Kaja Zionwui vang athut kakhui zimiksho, Prohona athut hāngsangkhami zingkum lei.

ISAIAH 59:18

Athumwui kasāsā athishurda ana sāman mira; khangahātbingli malungkhavāt, yangkashibingli athut kakhui, ngayipheili khaleibingli athut hāngsangra.

JEREMIAH 47:1

Pharaohna Gazali masāshimitranglakha, Philistinewui pongli Prohowui tui chi Jeremiah marānli hānga.

JEREMIAH 47:4

khikhalajila Philistine saikora sāshimān khavai, ngachonkhamebingli Tyre kala Sidonwui eina katat khavai kasā zimiksho chi ungshungki kajiwui vangna. Kaja, shamadrupheili khalei Caphtorwui shākkahai Philistineli Prohona sākhayangmihaira.

JEREMIAH 51:6

“Babylonwui eina yāmulu, mi kachiva̱ ichichāwui manglā huikhuiranu! Ali tandi khamilungli mazangrumalu, kaja Prohowui athut hāngkasang atamna, ali mikhangayi tandi khami tharan.

JOEL 2:10

Athumwui mangāli neina̱ khanuka, kazingna nganuka. Zimik kachāng tangmanghaira, kala sirāna mahorluimana.

JOEL 2:2

tangkhamang khangami thangkha, muiyāna tangmangting kahai thangkha, chiyākha matheilakrang kaje, naodala matheiluilaki kaje, kapanga yur akhawui mi kachungkha kaphung pemluishitra.

MATTHEW 11:21

“Chorazin, nali ringkashi ngasāranu! Bethsaida, nali ringkashi ngasāranu! Nathumwui lungli hakkhamahā ot sākahai chi Tyre eina Sidonli sāsāsi kaje athumna borāshi ngavailaga hotla teida achā ningngateihairara.

MATTHEW 11:22

Kha ina nathumli kahāngna, bichar sāthanghon Varena Tyre eina Sidonli kasāliva nathumli sakmeida bichar sāra.

LUKE 10:13

“Chorazin! Nali kakhanang ringkashi ngasāranu! Bethsaida! nali kakhanang ringkashi ngasāranu, kaja nathumwui alungli hakkhamahā ot sākahai chi Tyre eina Sidonli sāsāsi kaja athumna borāshi ngavaida kala hotlātungli ngaleoda achā ning ngateihairara.

LUKE 10:14

Kha Bichar sāthanghon nathumliva Tyre eina Sidonli bichar kasāna paimeira.

LUKE 18:7

Chithākha ngashun ngayā mateila ngachonmi khavai chapta kapo awui kapangkhui kahai miyurli Varena mashun bichar masāmimaralā; ana ngarainganaoralā?

OTSAK 9:4

Chieina ana ngaleili saosanghaowa, kala ali kaho akhon akha shai, “Saul, Saul, khiwui vang eina nana ili rekharekhaokhala?”

KHALATLUI 32:35

Athut kakhui kala hankhamela ina, kaja athumwui phei nganaiki kaji; athumwui kumshāt rāki kaji nganaihaira, athumwui kashimān thākta rāra.

2 THESSALONICANAO 1:6

Varena phāvaira kaji chi ana sāra, nathumli kachotkachāng khamibingli, ana kachotkachāng mira,

WUNGVA̱-WUNGVĀ 11:12

Chieina Jepthana Ammonnaobingwui awungali paome chihovāda hānga, “Ina khi sāhaoda iwui ngalei khuikhavai rākhangararkhala?”