JOEL 3:18 - Kathara Bible (BSI)

¹⁸ “Kala chithang chi phungreibingna kashima drakhāra̱ ngayara, phungreibing china seina̱ longra; kala Judahwui kongrānao saikora tara̱ longra; Prohowui shimwui eina ura̱ okra kala Shittimwui tampākli tara̱ chaimira.

JOEL 3:18 Iomraidhean Croise

JOBWUI LAIRIK 29:6

iwui pheichonbing seina̱ eina pheoda, kala ngalungna iwui vang thao woklakha chi!

LAA 46:4

Varewui keinungli mathān khangasak kong akha lei, Juikhamataiawui kathara pamkhavaina.

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

ISAIAH 30:25

Kala kachungkhali shaothatthang tārong pitāser kahai tharan, phungrei kajujuili, kala phungrā kachiva̱li kongrāra̱ longra.

ISAIAH 35:6

Phei kathākana chaonao thāda ngalongra; khangasha̱bingnala male eina laa sāra. Kaja lamhāngwui eina tara̱ shokra, kala siwukli kong longra.

ISAIAH 44:3

“Khikhalajila ra̱kachangpamli ina tara̱ heirorra, ngalei kathengli kong longmira; nawui atheili iwui Manglā heirorra, nawui ara̱-azāli iwui sokhami tāshungmira.

ISAIAH 45:8

O kazingram, atungwui eina kazing rotā ngasaklu, kala kazing eina khamashung khangarong rotā ngasaklu; okathuina chi mayākhuida, huikhami kharshokranu, kala china khamashung khangarongla shokngasak khavai ngasāranu; Proho ina sākahaina.”

ISAIAH 55:1

“Hei, ra̱kachanga kachiva̱, tara̱ chili rālu! kala pheisā makhalei a chi, rālu, lokhuida zālu! Rālu, pheisa kala aman mazangla drakhāra̱ kala seina̱ rālokhuilu.

ISAIAH 66:11

chithāda awui ningkhalum na̱ chi nathum mangda ningyāng ungpaira; awui tekhamateiwui khavāt makhaleiwui eina nathumna ningyāngunglak eina kala chirchomri eina mangkhuipaira.

JEREMIAH 31:12

Athumna ungda Zionwui kajuitungli laa sāra; kala Prohowui kaphākasā chiwui vang athumna mathānra, athei-arai, drakhāra̱, thao hiwui vang, yaonao kala seinaowui vang; athumwui mirin tara̱ chaikhami yāmgui thāra, kala athumna makhanangluimara.

MICAH 6:5

O iwui mibing, Moabwui awunga Balakna khiwor sākhala kaji; kala Beorwui naomayara Balaamna ali khi ngahānkā; kala Shittimwui eina Gilgal khavāli khi shokkhala kaji phaningunglu; chieina nathumna Prohowui huikhami otsak chi theipaira.”

ZECHARIAH 14:8

Chithanghon kharinga tara̱ Jerusalemwui eina urshokra, tangkhaina zingshowui shamadruli, kala tangkhaina zingtungwui shamadruli longvāra; sikachāngwui thāda lumkachāngla chithāchingra.

MISHĀN 25:1

Israelna Shittimli leilakha mibingna Moabwui naongalāva̱ khayorabingli khangasowui otsakli zanga.