JOEL 3:17 - Kathara Bible (BSI)

¹⁷ “Chieina iwui kathara kaphung Zionli somkapama, I Proho nathumwui VAREna da nathumna theira, Kala Jerusalem kathara ngasāda miyur khangatei chili mazatluimara.

JOEL 3:17 Iomraidhean Croise

JOBWUI LAIRIK 15:19

athummāngli mikahai lam chi kha̱mi khipānakha athumwui ngachaili marāmakānmana).

LAA 76:2

Awui ngasām khavai Salemli sakā kahaina, awui pamkhavai Zionlina.

LAA 9:11

Zionli kapama Proho chili masotlaa sālu! Awui otsak yurbingwui alungli hāngmilu!

SHONGZĀ 16:12

“Israelnaobingna kharopta khamatui chi ina shāhaira; athumli hānglu, ‘Ngazin nathumna sā shaira, kala ngathor khamui eina thotinghaora, chieina I Proho nathumwui Vare china kaji nathumna theira,’”

ISAIAH 11:9

Iwui kathara kaphungli athum kalākashi kala kashimānla maleiluimara; kaja shamadru tara̱na kachipem thāda, Prohowui theithangkhamei okathui pemhaora.

ISAIAH 12:6

Vaolu kala khamathānwui vang laa sālu, O Zionli kapambing, kaja nathumwui alungli Israelwui Kathara chi hakmahālaka.”

ISAIAH 35:8

Kala chili chānrei akha leira, chili kathara shongfa hora. Makathara yurna chili mazatpaimara, mangkhama̱bingna machonmakānpaimara.

ISAIAH 4:3

Kala Zionli nothāhaida Jerusalemli pamkahaibing, Jerusalemli mirin peidawui ming chankahaibing;

ISAIAH 46:13

Iwui ngatangkhami ina nganaimeida khuirāda lei, chi katāva̱li maleiluimana, iwui huikhami mahuinganongmara; ina Zionli huimihaora, iwui tekhamatei Israelwui vang.”

ISAIAH 52:1

Thuilu, thuilu, nawui yāng shirinkhuilu O Zion; nawui khamathā sāri ngavaikhuilu, O Jerusalem, kathara keinung; kaja ahui marim kashoka kala makathar mi nathumwuili marāluimara.

ISAIAH 56:7

athumli iwui kathara phungreili khuivāda iwui seihā sākhavai shimli mathān ngasakra; iwui hanphuttungli athumwui rikkatā kachigat kala pha̱kaphayā chi khuisangmira; kaja iwui shim hi yur saikorawui vang seihā sākhavai shim hora.”

JEREMIAH 31:23

Israelwui Vare, saikorawui Prohona hithāda hānga: “Ina athumli shimlui hankhami tharan, Judah ngalei eina keinungbingli athumna, ‘O khangarongwui pamkhavai, O kathara kaphung! Prohona nathumli somiranu’ da tuibing hi akhashida matuira.

JEREMIAH 31:40

Kathingunpam, hotlāpamwui tampāk katonga, Kidron kongrānaowuili khalei luipam, zingshoshong khalei Sigui Ngavei ungshungda apam saikora hi Prohowui katharapam ngasāra. Hi phurshok kahaila, sākhayāng kahaila maleiluilakmara.”

EZEKIEL 20:40

“Kaja Proho VAREna hānga, Iwui kathara kaphung, Israelwui kajuiya kaphungtungli, iwui mi Israel shimkhur saikora, athum saikora, ngalei chili ili otram ngatha̱ra, chili athumli ina khuisangmira, kala chili nathumwui khami kala phameikap kaje kachigat kala kathara pha̱kaphayā chi khuisangmira.

EZEKIEL 37:6

Ina nathumwuitungli anonān phonmida nathumwuitungli asāla kāngasakra, kala ahui eina rommihaida khak suisangmilaga nathum ringunghaora; kala nathumna I Prohona da theikhuira.”

EZEKIEL 43:12

Khorumshim chiwui ain chi hithai: kaphung hiwui ari-arāp kuimareida kaphungton kāpeida tharmathengmeikapki kaji apamna. Yanglu, khorumshimwui ain chi china.”

EZEKIEL 44:9

“Chiwui vang Proho VAREna hānga: Yur khangateiwui mi, ningla phasāla ahui marimkashok mi khipākha iwui kathara shimli mazangpaimana.”

EZEKIEL 48:35

Keinung chiwui kuikhamarei khuining thingtharāda chishatna. Kala ara keinung chiwui aming, Proho chili lei, da hora.”

DANIEL 11:45

Kala ana awui kachonshim shamadru eina kathara kaphungwui ngachaili sākāra; kha chithālala awui khangachang atam rāra, ngachonmi khavai khipākha maleisāmara.”

DANIEL 9:16

O Proho, nawui khamashung otsak saikorawui athishurda nawui kathara kaphung, Jerusalemwui eina nawui malungkhavāt chi ngareithuihaoranu; khikhalajila ithumwui morei kala ishāvā ngarāwui moreiwui vang Jerusalem kala nawui mibing hi kuikhamarei khongnainaobingwui meisum tantak chānjam ngasāhaira.

JOEL 2:27

Israelwui alungli I lei kaji nathumna theira; kala Vare Proho I mānga, katei maleimana kajila, kala iwui mibingli kakhayak mamiluimara.”

JOEL 3:21

Ina ashee chiwui athut khuira, kala athumwui khayon mapheomimara, kaja Prohona Zionli pama.”

MICAH 4:7

kala phei katekbingli ina shākkahai ngasā ngasakra; kala horkahaibingli kapanga yur akha ngasā ngasakra; kala Zion Kaphungli Prohona athumwuitungli arui eina thuida katang mavaila mungra.

NAHUM 1:15

Yanglu, phungreibingli paokaphā khuikharā, chingri kahai hākashokawui phei chi! Nawui zātkhān mayonlu, O Judah, nawui tuingashit ungshung ngasaklu, kaja makaphā makhayā chi nali marāluilakmara, ali katatchaohaira.

ZECHARIAH 8:3

Prohona hithāda hānga: Ina Zionli latungra, kala Jerusalemwui alungli pamra, kala Jerusalemli ningkatong keinung kala saikorawui Prohowui kathara kaphung hohaora.

PHONGKHAMI 21:27

Kha khamakhao ot akhala hili mazangpaimara, sākakhamāng kala khayon-khamāng ot kasābing mazangpaimara; kha Yaonaowui kharinga lairikli aming kapikahaibingmāng zangra.