JOEL 3:16 - Kathara Bible (BSI)

¹⁶ Zionwui eina Prohona khanganga, kala Jerusalemwui eina akhon vaorai, kala kazing eina okathui nganuka. Kha awui mibingwui vang Prohova ngayin khavaina. Israelwui vang raipanna.

JOEL 3:16 Iomraidhean Croise

LAA 18:2

Prohona iwui lunghārna, iwui ngaveina, kala ili kankhamena, iwui Vare, iwui lunghār, ina ali ngayinkhui, iwui chāngvei, kala iwui huikhamiwui angajina, iwui raikānphungna.

LAA 29:11

Awui mibingli Prohona pangshap miranu! Prohona awui mibingli chingri kahai eina somiranu!

LAA 61:3

Kaja na iwui ngayin khavaina, yangkashebingwui eina ngākmi khavai kapanga dolanna.

CHĀNSAM 18:10

Prohowui minga khamakanga dolanna, khangarong mina chili yāmzangda chingri kahai samphanga.

ISAIAH 33:16

athumna kajujuili pānra, awui ngayinkhui khavaipam lunghārwui raipan ngasāra; awui kashakazā ali mizāra, tara̱la mavātmara.

ISAIAH 33:21

Kha chili Prohona ithumwui vang marikhong, jahas marākapaipam hakkhamahā kong kathā ngasāra.

ISAIAH 42:13

Prohona sashap-pangshapa thāda shoka, raimi thāda malung thuihaira; ana panglāk eina kaiya kala vaowa, awui yangkashebingli awui pangshap chithei.

ISAIAH 51:16

Kala iwui tui nakhamorli sangmihaira, ipāngwui khaya̱li thumihaira, kazingram phayaishokta, okathuiwui shimphunga rungkhuida, ‘Nathum iwui miyurna’” da Zionli hānga.

JEREMIAH 16:19

O Proho, iwui pangshapa kala iwui ngayin khavaipam, kakhanang atamli iwui ngayin khavaipam, okathui vākatangwui eina yur kachiva̱na nali rāhāngra: “Ishāvā ngarāna kakapik maningla khangatei akhala mamathuisanghaimana, makankhanā tongkazā makhalei otmānga.

JEREMIAH 17:17

Ili mangachee ngasakmialu; kalākashi atamli na iwui ngayin khavaipamna.

EZEKIEL 38:19

Kaja iwui yuishāt eina lungthot ngasha̱da kahāng hina kaja, chithanghon Israel ngaleili panglāk eina nganukra;

HOSEA 11:10

Athumna Prohowui thi shurra, ana kazingkha̱ thāda khangangra; mha, ana khangangra, kala awui naobing kathirriri zimiktunshong eina ungra.

AMOS 1:2

Kala ana hānga: “Prohona Zionwui eina khanganga, kala Jerusalemwui eina akhon vaowa; yaokahombingwui seihomphung sifaya, Carmel Kaphungton thenga.”

AMOS 3:8

Kazingkha̱na khanganghaira, khipāna mangacheera? Proho VAREna hānghaira; khipāna mamarānra?”

NAHUM 1:7

Proho hiya kaphāna, pa̱khangapā atamli ngākkhamena; ali rākhangayinbingli ana thei.

HAGGAI 2:6

“Kaja saikorawui Prohona hithāda hānga: Khaleilaga ina kazingram, apuk-apaga, shamadru kala ngalei katheng khanukluishitra;

HAGGAI 2:7

kala yur saikora ina khanukra, chithāda sāda yur saikorawui lan chi rāzangra, kala ina shimhi tekhamatei eina chipemra, da saikorawui Prohona hānga.

ZECHARIAH 10:12

Prohowui mangāli ina athumli pingngasakra, kala athumna awui mingli tekmatei ngasakra” da Prohona hānga.

ZECHARIAH 10:6

“Kala Ina Judahwui shimkhur pang ngasakra, kala ina Josephwui shimkhurli huimira. Athumli ina khuiungluishitra kaja ina athumli lumashana, kala athum ina mahorhailakrang kajebing thāra; kaja I athumwui Proho Varena, kala ina athumli ngahānkāmira.

ZECHARIAH 9:12

Nawui raipanli latunglu, O kachihān khalei phātopnaobing; khanishida mataida hanmira da aja ina hāngtā kahaina.

HEBREWNAO 12:26

Chitharan awui akhon china okathui nganuk ngasaka, kha ara ana ngashitmihaira, “Okathuimāng maningla, kazingramla zangda ina akhashida nganuk ngasakfara.”

PHONGKHAMI 11:13

Pung chichangli neina̱ panglāk eina khanuka, kala keinung khum tharāwui khumkha shimānhaowa. Neina̱ kakhanuk chili mi thingshini thihaowa; kateibing china ngacheeshunhaida kazingramwui Vareli masot chikata.

PHONGKHAMI 11:19

Chiwui thili kazingramli khalei khorumshimwui khamong shohaowa; kala khorumshimlungli tuingashitwui oko chi thei. Chiwui thili rikhān ngasheiya, akhonla shai, kazingla ngashuma, neina̱la khanuka, kala theih panglāk eina tai.

PHONGKHAMI 16:18

Chithākhaleoda rikhān phikphik phākphāk ngasheida, kazing ngashuma, kala neina̱ panglāk eina khanuka. Okathuili mi okthuikaphok eina thuida aja rāshungda chikathā mashoklakranga.

1 SAMUEL 15:29

Kala Israelwui Tekkhamatei chinala makapikmara lah ning khangateila maleimara, kaja a mikumo maningmana.”