JOEL 3:10 - Kathara Bible (BSI)

¹⁰ Tin eina raighai sākhuilu, katatshat khavai khainao eina kazei sākhuilu; khangazana chinala I rai kapingana jiranu.

JOEL 3:10 Iomraidhean Croise

2 THOTRINCHĀN 25:8

Kha athumli ngasolaga nana rai yuira da phaningakha nali yangkashebingwui pāngli horsangmihaora; kaja Varena ngachonmikashap kala horhaikashap pangshap lei.”

ISAIAH 2:4

Yurbingwui ngachaili ana bichar sāmira, kala miyur kachungkhawui vang tuikup khuirāmira; kala athumwui raighai tin sākhuihaora, kazei chi khainao sākhuihaora; miyur akhana yur khangatei akhali rai masāmara, rai khavā kaho matamluimara.

JEREMIAH 51:11

Malā kharākhariklu! Chāngvei phungkhuilu! khikhalajila Babylonli sāshimānmi khavai khangarān pongli Medeswui awungabingwui ningli Prohona mathuk ngasakhaira. Kaja, Prohona athut khuira, athut kakhui chi Prohowui shimwui vangna.

MICAH 4:3

Ana miyur kachungkhawuitungli bichar sāra; kala tālak eina khalei kapanga yurbingli tuitak tāmira; kala athumna athumwui raighai chi tin sākhuira, kala athumwui kazei sikao sākhuira, yurna yurwuitungli raighai makhāngmara, athumna rai kasā kaho matamluimara.

ZECHARIAH 12:8

Chithanghon Prohona Jerusalemli kapamabingli chāngvei akha eina ngākmira, kala athumwui ngachaili ngazanmeithuikaje china David thāhaora, kala Davidwui shimkhurna Vare thāda athumwuitungli khalei kazingraobing thāhaora.

LUKE 13:12

Jishuna ali kathei tharan ali hokhuida hānga, “He sha̱nao, nali nawui kazātwui eina chihomihaira.”

LUKE 22:36

Ana hānga, “Kha ara, lupākhao khaleianala khuiphungranu kala paidu khaleia chinala chitharanu, kala raighai makhaleia a chinala awui kachon yorkhuilaga raighai lokhuiranu.