JOEL 2:5 - Kathara Bible (BSI)

⁵ Siguigariwui ngarungning kahai thāda, athumna kaphungtonli ngawokkai; meiwon mermer kachui thāda, māfala chuitai; kapinga raimi thāda raiwui vang ngarān kahaina.

JOEL 2:5 Iomraidhean Croise

JOBWUI LAIRIK 39:20

Nana ali khaoh thāda ngawok ngasakla? Awui kakhahek khangachee khonna.

SHONGZĀ 5:12

Chiwui vang athumna Egypt ngalei kachiva̱li vāda lanji pongzata.

ISAIAH 30:30

Kala PROHOna awui khayākakākhon chi shāngasakra, awui pāngthei katingda theingasakra, thurshi kahai malungkhavāt kala meiwon thāda malingting kahai chi muiyā khangasui, siphan-zingrot kala theih eina ngasoda rāra.

ISAIAH 5:24

Meiwonna mafakung chuikatā thāda, kala khawo katheng meili kashimān thāda, athumwui angayung shuihaora, athumwui awon chifa sāthuihaora, kaja athumna saikorawui Prohowui ain makhuisangmana, kala Israelwui Katharapawui tuili ningkachaihaowa.

JEREMIAH 50:42

Athumna malā, kazei singkhui, athum sāshiya, kala lukhamashan matheimana. Athumwui raivātkhon shamadru kakhangāng thai, athum sigui tongda nali raili ngasung khavai raisāri shakkasā mi thai, O Babylonwui naongalāva̱!

MATTHEW 3:12

Awui pāngli yāmkok lei kala lanpumli khalei mā hurmathākhuida kapanga mā chi chumli kazipkhuira, kha ahikbing chi mashimitkapai meilungli riktāhaora.

PHONGKHAMI 9:9

kala athumwui thikkom chi mari thikkom thai; athumwui angachāngwui akhon chi raili vaukida sigui-gari kachungkha ngasamkazatkhon thai;