JOEL 2:32 - Kathara Bible (BSI)

³² Hithāda shokra kaja Prohowui mingli khangakaobingli huimira, kaja Prohona hāngkahai thāda Zion kaphungli, ‘Jerusalemli yāmkashok mi leisāra, athumwui ngachaili Prohona hokakhui zanga.’”

JOEL 2:32 Iomraidhean Croise

HAOKAPHOK 4:26

Sethla mayarnao akha pharai, kala aming Enosh hoi. Atam chiwui eina thuida mina Proholi mingzaiphoka.

LAA 50:15

kala kakhanang atamli ili ngakaolu; Ina nathumli kanshokmira, nathumna ili tekmatei ngasakra.”

ISAIAH 10:22

Kaja nawui Israel mibing shamadruwui situi yākhalala, shākkahai kateokhamāng latungra. Shimān ngasakra kaji hāngtāhaira, khamashung khangarong eina pemtha̱ra.

ISAIAH 11:11

Chitharan Assyriali, Egyptli, Pathrosli, Ethiopiali, Elamli, Shinarli, Hamathli kala shamadrupheiwui ngalemli shākkahaibingli kazipkhuiluishit khavai Prohona kakhane sāda awui pāng tāngvāluira.

ISAIAH 11:16

Nothā kahai awui mi shākkahaibing chiwui vang, Egyptwui eina kashok tharan Israel wui vang chanrei sākhami thāda, Assyriawui eina chanrei akha sāmira.

ISAIAH 4:2

Chithanghon Prohowui aphāng chi mathāshunra kala tekmateilakra, kala ram chiwui athei china Israelwui ringda khaleibingwui vang langso khavai kala tekmatei khavai ngasāra.

ISAIAH 46:13

Iwui ngatangkhami ina nganaimeida khuirāda lei, chi katāva̱li maleiluimana, iwui huikhami mahuinganongmara; ina Zionli huimihaora, iwui tekhamatei Israelwui vang.”

JEREMIAH 31:7

Kaja Prohona hithāda hānga: “Jacobwui vang mathānda panglāk eina laa sālu, kala miyurbingwui kathānawui vang vaoshoklu; vaomalānlu, masotmilu, ‘Prohona awui mi, Israelwui shāk kahaiali huimihaira.’ da hānglu.

JEREMIAH 33:3

“Ili ngakaolu ina ngahānkāra, nathumna makathei thum kahai kachungkha hāngmira.

AMOS 9:8

Yanglu, morei kasā wungramtungli Proho VAREna yangdalei; kala chi ina okathuiwui eina shimān ngasakra, Jacobwui shimkhurmāngli mamutchao ngasakmara.”

OBADIAH 1:17

Kha yāmkashokbing Zion kaphungli kazipra, kala hi kathara ngasāra; kala Jacobshi shimkhurna ashiwui shimlui khuipapamra.

OBADIAH 1:21

Kharingabingna Zion kaphung kāda Esau kaphungli mungra; kala wungram chi Prohowui ngasāhaora.”

MICAH 5:3

Chiwui vang eina ana athumli naokhara̱va̱ china mapharāranglakhawui atam eina tangda chihosāra; chiwui thili awui chinaongarā khangateibing Israelwui yurli latungra.

ZECHARIAH 13:9

Kala akhum kakathuma hi ina meili sangra, lupāsā heikakhui thāda heikhuira kala sinā khayāng thāda yāngkhuira. Athumna iming ngakaora, kala ina athumli ngahānkāra. kala ina ‘Athum iwui miyurna’ jira; kala athumna Proho iwui Varena” da hāngra.

JOHN 10:16

Yaoshang hili makazang yao khangateila lei. Ina athumlila houngphalungra, kala athumna iwui akhon shāra. Chieina yaoshang akhamāngra, yaokahomala akhamāngra.

JOHN 4:22

Nathum Samarianaona khipāli khokharumkhala da matheimana, kha Jihudi ithumna khipāli khokharumkhala da thei, kaja huikhame hi Jihudiwui eina rai.

OTSAK 15:17

Chieina mi kateina kala iwui ming eina hokhui kahai Gentile saikorana Proholi phāra,

OTSAK 2:39

Tuingashit hi nathum kala nathumwui naongarāli kala katāva̱li khalei ithumwui Proho Varena hokakhui mi kachiva̱li khamina.”

ROMNAO 11:26

Hithada sāda Israel katongali huikhuihaora. Hithada kapihaida lei: “Huikhame chi Zionwui eina shokra. Kala Jacobwui ara̱-azāwui eina makaphā-makhayā saikora khuishokmihaora.

ROMNAO 11:5

Chi tākam eina aruila Varewui lukhamashan eina kapang kahaia kānglup kateowa akha lei.

ROMNAO 11:7

Chithākha khida? Israelnaobing athumna phākazat chi masamphangmana. Chiya, Varena kapang kahai kateowa kānglup china samkaphangna; kha khangateibing chiya khanā khangakhok thāhaowa.

ROMNAO 9:24

Kaja ithum ana hokhui kahaibingna, Jihudibingmāngli maningla kha Gentilebingla zanga.

ROMNAO 9:27

Isaiahna Israelwui pongli vāoshoka: “Israelwui naongarā shamadruwui situi ngayālala, athumwui ngachaili shākkahaibingmāngli huikhuira.

1 CORINTHNAO 1:2

Corinthli khalei Varewui church, Varewui kathara mi sākhavai hokhui kahaibing saikora, Khrista Jishuli khangarumwui vang Varewui mi sākahaibing kala apam kachiva̱li Proho Jishu Khristali athumwui kala ithumwui Prohonada khokharuma mi saikorali kakapi chithina.

HEBREWNAO 12:22

Kha nathumna Zion kaphungli kala kharinga Varewui keinung, kazingramwui Jerusalemli, kazingrao thingthingna lumlaoda kakazip,