JOEL 2:31 - Kathara Bible (BSI)

³¹ Zimikna tangmangtinghaora, kachāngna ashee onhaora; khangachee Prohowui zimiksho marāranglakha.

JOEL 2:31 Iomraidhean Croise

JEREMIAH 4:28

Hiwui vang okathuina sifara, kazingram atungna zikra; kaja ina hāngkahaina, ina ngarān kahaina; ining mangacheiranga, chili lāngda I mangalanluimara.”

EZEKIEL 32:7

Nali ina shimitthang, kazing sākhammihaida; athumwui sirāla mahor ngasakmara; ina zimikli muiyā eina fakhamhaora, kachāngna awui kahor mamimara.

JOEL 2:1

Zionli talla̱ khonglu, ning ngashar khavai iwui kathara kaphungtungli chi khonglu! Apam kachiva̱wui mina kathirranu, kaja Prohowui atam rārāli, nganaihaira,

JOEL 2:10

Athumwui mangāli neina̱ khanuka, kazingna nganuka. Zimik kachāng tangmanghaira, kala sirāna mahorluimana.

JOEL 2:11

Awui raimimāngli Prohona vaoda hānga, kaja awui ashangva̱ hakmahālaka, kahāng athishurda kasāpā chi panglaka. Kaja Prohowui zimiksho haklaka, kala sāshilaka; khipāna khāngshaprakhala?

JOEL 2:2

tangkhamang khangami thangkha, muiyāna tangmangting kahai thangkha, chiyākha matheilakrang kaje, naodala matheiluilaki kaje, kapanga yur akhawui mi kachungkha kaphung pemluishitra.

JOEL 3:1

“Kaja yanglu, chikachāng kala atam chili, Judah eina Jerusalemwui lan hanmiluishit kaji tharan,

JOEL 3:15

Zimik kachāng tangmangtinghaira, sirābingna athumwui kahor khuithuihaowa.

ZECHARIAH 14:6

Chithang kasik maleimara, phāmla matāmara.

MALACHI 4:1

“Kaja yanglu, sharkha̱ thāda kachuiya zimiksho akha rāra; chithang lāngkaso kala makaphā kasābing lanji thāhaora; rārāda khalei zimiksho china chibing chuikhuphaida angayungla, aphāngla mashākmimara da saikorawui Prohona hānga.

MALACHI 4:5

“Yanglu, Prohowui kahaka kala khangacheea zimiksho chi marāranglakha ina marān Elijahli chihorāra.

MATTHEW 24:29

“Kachotkachāng atamwui thichangli zimikla tangmanghaora, kachāngla mahorluimara, kazingramwui eina sirābingla tātungra kala kazingramwui pangshapla nganukhaora;

MATTHEW 27:45

Ara pung katharukawui eina thuida pung kachiko eina tangda ngalei katonga tangmangtinghaowa.

LUKE 21:25

“Zimik, kachāng, sirā saikorali matakhak kahai kachungkha shokra, kala shamadruwui tara̱ khangaphaokhon shāda khangachee eina okathuili pa̱khangapāwui kachotkachāng rāra.

OTSAK 2:20

zimikla tangkhamang onngasakhaora, kachāngla ashee onhaora, Prohowui hakkhamahā tekhamatei zimiksho chi marāranglakha.

PHONGKHAMI 8:12

Khamate kazingrao china awui talla̱ chi khonguwa; kala zimik kai kathumwui kaikha, kachāng kai kathumwui kaikha, sirā kai kathumwui kaikhali sāza̱da khum kathumwui khumkha tangmanghaowa, ngashunla, ngayāla khum kathumwui khumkha ngamihaowa.